ជីវិតកម្សាន្ដ

លោកតា វ៉ិចទ័រ ណែនាំពលរដ្ឋប្រុងប្រយ័ត្ន និងបង្កើនការថែរក្សាសុខភាពក្នុងរដូវក្ដៅ

បានផុស

២ years មុន

នៅ

ថ្ងៃសុក្រ ៧ មេសា ២០២៣

ដោយ

ផលិតករកម្មវិធីកម្សាន្តល្បីឈ្មោះ និងជាប្រធានក្រុមកំប្លែង លោក សុវណ្ណរិទ្ធី ហៅលោកតា វ៉ិចទ័រ ចេញមកធ្វើការអំពាវនាវដល់ប្រជាពលរដ្ឋទូទាំងប្រទេស ត្រូវនាំគ្នាបង្កើនការថែរក្សាសុខភាពឲ្យ បានត្រឹមត្រូវ ដើម្បីជៀសផុតពីជំងឺក្នុងអំឡុងពេលរដូវក្ដៅនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការអំពាវនាវរបស់លោកតា វ៉ិចទ័រ នាពេលនេះ ស្របពេលដែលអាកាសធាតុមួយរយៈពេលប៉ុន្មានខែនេះមានសភាពក្តៅខ្លាំងតាមបណ្ដាខេត្តមួយចំនួន។ ក្នុងពេលនេះដែរ អ្វីដែលប្រជាពលរដ្ឋត្រូវអនុវត្តនោះ គឺធ្វើតាមការណែនាំរបស់ក្រសួងសុខាភិបាល ឬការបរិភោគទឹកឲ្យបានច្រើន។

ផលិតករកំប្លែងលោក សុវណ្ណរិទ្ធី ហៅលោកតា វ៉ិចទ័រ បានចេញសារណែនាំដូច្នេះថា អាកាសធាតុក្តៅ សូមបងប្អូនថែរក្សាសុខភាព និងពិសាទឹកឲ្យបានពីរលីត្រ ឬលើសពីនេះ ស្របតាមការណែនាំរបស់ក្រសួងសុខាភិបាល។ លោកតា វ៉ិចទ័រ បានបញ្ជាក់បន្ថែមថា “បងប្អូន អាកាសធាតុក្តៅណាស់ ដូច្នេះមួយថ្ងៃត្រូវហូបទឹកឲ្យច្រើន ហើយថែរក្សាសុខភាពឲ្យបានល្អគ្រប់គ្នា”។

ប្រាកដណាស់ ការចេញមកបំផុសអារម្មណ៍ ក៏ដូចជាការអំពាវនាវរបស់លោកតា វ៉ិចទ័រ ខាងលើនេះ គឺដោយសង្កេតឃើញថា បច្ចុប្បន្ននៅតាមបណ្ដាខេត្តនានា នៃប្រទេសកម្ពុជា ហាក់មានការកើនឡើងនូវកម្ដៅខ្ពស់ជាងធម្មតា ខណៈរដូវនេះគឺជារដូវប្រាំងដែលក្តៅហួតហែង ដែលអាចធ្វើឲ្យមនុស្ស សត្វ ប្រឈមបញ្ហាជំងឺផ្សេងៗ ប្រសិនបើយើងមិនថែរក្សាសុខភាពឲ្យបានត្រឹមត្រូវនោះទេ៕

អត្ថបទ ៖ ចាន់រ៉ា