បញ្ញា សិទ្ធិ បង្ហាញអាការជំងឺម្តាយ ខណ:ឪពុកពិការ​ជើង​ម្ខាង

តារាសម្តែងលោក បញ្ញា សិទ្ធិ បញ្ជាក់ថា លោកបានវិលត្រឡប់មកដល់ប្រទេសកម្ពុជាវិញហើយដើម្បីយកម្តាយទៅ​វះកាត់និងព្យាបាលនៅប្រទេសថៃ ក្រោយធ្លាក់ខ្លួនឈឺធ្ងន់។

ជាមួយការបញ្ជាក់នេះដែរ លោក បញ្ញា សិទ្ធិ ក៏បានបង្ហាញរូបថតម្តាយកំពុងសម្រាកដោយស្អំទឹកកកហើយរឿងដែលកាន់តែចាប់អារម្មណ៍គឺឪពុកតារាប្រុសរូបនេះក៏ជាជនពិការជើងម្ខាងផងដែរ។

លោក បញ្ញា សិទ្ធិ បានឲ្យដឹងថា «ខ្ញុំបានមកដល់ប្រទេសកម្ពុជាហេីយ ហេីយនេះជាម៉ាក់ខ្ញុំដែលគាត់គេងស្អំទឹកកកពោះ​និង​ប៉ារបស់ខ្ញុំ»។

លោកនិយាយបន្តថា «ថ្ងៃស្អែកខ្ញុំនឹងយកអ្នកម្តាយទៅប្រទេសថៃ។កូនពិតជាអរគុណសម្តេចពុក សម្តេចម៉ែ ខ្លាំងណាស់ដែលជួយដល់កូននឹងម្តាយកូនសូមសម្តេ ចពុកសម្តេចម៉ែ សុខភាពល្អ ឈ្នះអស់មាសត្រូវ នឹង ជាម្លប់ដល់កូនចៅនឹងប្រជាជនទូទាំងប្រទេសជារាងរហូតតទៅ»។

បន្ទាប់​ពី​ទទួល​បាន​ព័ត៌មាន​ថា តារាសម្ដែងសង្ហាប្រុសលោក បញ្ញាសិទ្ធ បាត់​មុខ​ពី​សិល្បៈ​មួយ​រយៈធំដើម្បី​រកលុយ​ព្យាបាល​ជំងឺ​ម្ដាយ សម្ដេច​អគ្គមហាសេនាបតីតេជោហ៊ុនសែន និងសម្ដេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន បានចូលរួមឧបត្ថម្ភ​ថវិកាចំនួន ៣ ម៉ឺនដុល្លារសម្រាប់​ចាត់​ចែង​ព្យាបាល​ម្ដាយ។

បើតាមលោក បញ្ញា សិទ្ធិ ម្តាយរបស់លោកមានជំងឺដូចជា តម្រងនោម,ពោះវៀតនឹងជំងឺជាច្រេីនទៀតដែលលោកបានមេីលថែគាត់ដោយផ្ទាល់អស់រយ:ពេលជាង១០ឆ្នាំមកហើយ៕

អត្ថបទ៖ ចាន់រ៉ា