ខាត់ សុឃីម ប្រតិកម្មធ្ងន់ៗលើផេកមួយក្រោយបង្ហោះព័ត៌មានមិនពិតធ្វើឲ្យភាន់ច្រឡំ

តារាចម្រៀងពហុជំនាញអ្នកនាង ខាត់ សុឃីម បានចេញមកប្រតិកម្មភ្លាមៗបន្ទាប់មានទំព័រផេកហ្វេសប៊ុកមួយបានធ្វើការបង្ហោះពាក់ព័ន្ធនឹងប្អូនប្រុសបង្កើតរបស់ខ្លួនជាមួយតារារ៉េបលោក វណ្ណដា និងបានភ្ជាប់តារាស្រីរូបនេះជាមួយផងដែរ។ ក្នុងនោះក៏មានការចែករំលែកជាមួយនឹងពាក្យពេចន៍មិនសមរម្យជេរប្រមាថជាច្រើនលើតារាពហុជំនាញខាងលើ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាប្រតិកម្មឆ្លើយតប អ្នកនាង ខាត់ សុឃីម បានលើកឡើងថា សូមម្ចាស់Pageមួយនេះលុបព័ត៌មានប្រឌិតជាបន្ទាន់បើមិនដូច្នោះអ្នកនាងនឹងប្តឹង ហើយស្វែងរកម្ចាស់ Pageទាល់តែឃើញ។ អ្នកនាងបញ្ជាក់ថា អ្នកនាងមិនបាននិយាយ ឬប៉ះពាល់អ្នកសិល្បៈរូបណាទេ ជាពិសេសសិស្សប្អូនរបស់អ្នកនាង អ្នកនាងតែងតែគោរព និងអោយតម្លៃសិល្បករ-សិល្បការិនីគ្រប់រូប សូមកុំយកមកបូកឡូកឡំគ្នាបែបនេះ បើចង់ចុះពីប្អូនរបស់អ្នកនាង សូមចុះឱ្យចំកុំដើម្បីចង់បានផលប្រយោជន៍ទាញរូបអ្នកនាងទៅដាក់រឿងស៊ិចស៊ី រឿងផឹក ជក់ សាក់ ជាសិទ្ធិរបស់បុគ្គល។

តារាពហុជំនាញអ្នកនាង ខាត់ សុឃីម បញ្ជាក់ថា «ខ្ញុំមិនឈឺក្បាលនោះទេ ឱ្យតែមានអ្នកសិល្បៈជួយឱ្យរីកចំរើន គឺខ្ញុំគាំទ្រទាំងអស់មិនថា បុរាណ ឬសម័យនោះទេ ដូច្នេះសូមម្ចាស់Pageទាំងឡាយមេត្តាមុនផ្សាយសូមChatឬសម្ភាសន៍ខ្ញុំផង» ។

ក្នុងនោះដែរអ្នកនាង ខាត់ សុឃីម ក៏បានសំណូមពរឱ្យអ្នកប្រើប្រាស់បណ្ដាញសង្គមមួយចំនួនបញ្ចេញមតិដោយពិចារណា និងមានហេតុផលកុំតែស្ករតាមគ្នាវែកញែកទាំងមិនបានដឹងរឿងច្បាស់។ អ្នកនាងថា សូមបងប្អូនខមិនអើយសូមអ្នមេត្តាប្រើការពិចារណា និងមានហេតុផលខ្លះផងកុំឱ្យតែគេថាចង្អុលគោ ថាក្របី ក៏ត្រូវដែរនោះខ្ញុំសុំខ្លាចហើយបណ្ឌិតនិងអ្នកមិនចេះខុស៕

អត្ថបទ៖ ចាន់រ៉ា