ជីវិតកម្សាន្ដ

តារា ថៃ ណាខ្លះ លេចមុខទៅបោះឆ្នោតជ្រើសរើសមេដឹកនាំប្រទេស

បានផុស

២ years មុន

នៅ

ថ្ងៃចន្ទ ១៥ ឧសភា ២០២៣

ដោយ

នៅថ្ងៃអាទិត្យ ទី១៤ ខែឧសភា ឆ្នាំ២០២៣ ប្រជាជននឹងមានសិទ្ធិបោះឆ្នោតជ្រើសរើសមេដឹកនាំប្រទេសថៃអាណត្តិថ្មី ខណៈកាលពីម្សិលមិញនេះ គេឃើញតារាល្បីៗជាច្រើនសម្រុកទៅកាន់ស្តង់ផ្សេងៗគ្នាផងដែរ។

ជាមួយគ្នានេះដែរ ទស្សនិកជនហាកសង្កេតឃើញថារៀមច្បងខ្លះបានថតរូបបង្អួតលើបណ្ដាញសង្គមផ្ទាល់ខ្លួន ក្រោយពួកគេទៅដល់ទីតាំងបោះឆ្នោតក្នុងនាមជាពលរដ្ឋ ដោយក្នុងនោះគេឃើញតារាជើងចាស់ Panadda Wongphudee មកដល់ម៉ោង ៨:០៦ ព្រឹកមុនគេបង្អស់។

ក្រោយមកទៀត តារាចម្រៀងជើងចាស់ Bird Thongchai បានបង្ហោះរូបខ្លួនឯងអមនឹងខេបសិនថា “ថ្ងៃនេះ Bird ចេញមកប្រើសិទ្ធិរបស់គាត់។ សូមអញ្ជើញអ្នកទាំងអស់គ្នាចេញមកប្រើសិទ្ធិបោះឆ្នោតមុនម៉ោង ៥:០០ ល្ងាច” ខណៈតារាស្រី Toey Jarinporn បានបង្ហាញរូបភាពខ្លួននាងកាន់ប៊ិចជាប់ខ្លួនដោយមានស្នាមញញឹម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះ ក្នុងការបោះឆ្នោតម្សិលមិញនេះតារាប្រុស Great warintorn ក៏ថតរូបបង្ហោះហ្វេនលក្រោយលោកបានបំពេញកាតព្វកិច្ចក្នុងនាមជាពលរដ្ឋថៃ ស្របពេលដែលតារាប្រុស toey pongsakorn ក៏បង្ហោះរូបភាពក្រោយ Great warintorn តែបន្តិចប៉ុណ្ណោះ។

សូមទស្សនារូបភាពខាងក្រោម ថាតើតារាថៃណាខ្លះលេចមុខក្នុងថ្ងៃបោះឆ្នោតធំក្នុងប្រទេស៖