ជីវិតកម្សាន្ដ

ប្រាសាទ ដាវីន បានតំណែងជាអ្នកគ្រប់គ្រងកម្មវិធីប្រកួត ២ នៅកម្ពុជា

បានផុស

៤ ម៉ោង មុន

នៅ

ថ្ងៃសុក្រ ២៦ ឧសភា ២០២៣

ដោយ

ប្រាសាទ ដាវីន ជាតារាសម្ដែង បង្ហាញម៉ូដ និងអ្នកគ្រប់គ្រងកម្មវិធីមានសមត្ថភាព ប្រជាប្រិយភាព ទេពកោសល្យ និងរូបសម្រស់ស្រស់សោភា ទាំងនេះគឺជាភាពជឿជាក់សម្រាប់នាង ដែលគេដឹងដែរថា ទាំងចំណេះដឹង និងការប្រើប្រាស់ភាសារបស់នាងក៏មិនធម្មតាដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់បវរកញ្ញា ប្រាសាទ ដាវីន ក៏ទទួលបានតំណែងជាស្ត្រីឯកចក្រវាលកម្ពុជា Universal Woman Cambodia ឆ្នាំ ២០២៣ ជាកម្មវិធីសម្រាប់កម្ពុជាផ្តល់ឱកាសសម្រាប់ស្ត្រីកម្ពុជាដែលរៀបការរួចហើយ ដើម្បីចូលរួមប្រកួតនៅទីក្រុងឌូបៃ ប្រទេសអារ៉ាប់រួម ហើយកាលនោះអ្នកនាងទទួលបានជ័យលាភីលំដាប់រងទី ៤។

ចំណែករឿងដែលធ្វើឲ្យមហាជនចាប់អារម្មណ៍ និងអបអរថែមទៀតនោះ ដោយកាលពីថ្មីៗកន្លងមកនេះ មានដំណឹងថា ប្រាសាទ ដាវីន បានតំណែងថ្មី ដោយទទួលបានសិទ្ធិជាអ្នកគ្រប់គ្រងរៀបចំកម្មវិធីបវរកញ្ញាថ្មីមួយដែលនាំមកកម្ពុជា គឺ កម្មវិធី Miss Enviroment Cambodia។ កាន់តែពិសេសថែមទៀត ស្រាប់តែមុននេះបន្តិច មានព័ត៌មានថ្មីទៀត ប្រាសាទ ដាវីន ក៏បានតំណែងថ្មីថែមទៀត ពោលមិនដល់ ១ ខែផង នាងមានឱកាសធំដល់ទៅ ២ គឺទទួលបានសិទ្ធិជាអ្នកគ្រប់គ្រងរៀបចំកម្មវិធីប្រកួតសម្រស់បុរសឯកនៅកម្ពុជា (Mister Freind Ship Cambodia)។

គេចាំបានថា តារាសម្ដែង និងបង្ហាញម៉ូដ ប្រាសាទ ដាវីន ថ្មីៗនេះ បានចេញទៅប្រកួតស្ត្រីឯកចក្រវាល ២០២៣ (Universal Women 2023) នៅទីក្រុងឌូបៃ ប្រទេសអារ៉ាប់រួម។ ការចេញទៅប្រកួតលើឆាកអន្តរជាតិតំណាងឲ្យស្ត្រីខ្មែរលើកដំបូងក្នុងកម្មវិធី គឺទទួលបានការលើកទឹកចិត្តខ្លាំងទាំងពីសាច់ញាតិ មិត្តភ័ក្ដិ និងអ្នកគាំទ្រជាច្រើន ខណៈការចេញទៅប្រកួតរបស់នាងកាលនោះទទួលបានជ័យលាភីលំដាប់រងទី ៤ ទៀតផង៕

អត្ថបទ ៖ ចាន់រ៉ា