Connect with us

ជីវិតកម្សាន្ដ

ប៉ូលិសថៃចាប់ឃុំខ្លួនយុវតីម្នាក់ ពាក់ព័ន្ធការឆបោកលក់សំបុត្រប្រគំតន្ត្រីរបស់ Blackpink

បានផុស

នៅ

ប៉ូលិសថៃបានចាប់ខ្លួននារីវ័យក្មេងម្នាក់ដោយចោទប្រកាន់ពីបទបោកប្រាស់និងក្លែងបន្លំលក់សំបុត្រចូលរួមទស្សនាការប្រគំតន្ត្រីរបស់ Blackpink ពីអ្នកគាំទ្រយ៉ាងហោចណាស់ ៧០០,០០០ បាត (ប្រហែល ២០.១១៤ ដុល្លារ ) ដែលបានលក់រួច ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាង Nattarika ត្រូវបានចាប់ខ្លួននៅអាផាតមិនមួយក្នុងតំបន់ Jorakhae Bua នៃខណ្ឌ Lat Phrao ដោយលោក ឧត្តមសេនីយ៍ទោ Theeradet Thammasuthee ជាមេបញ្ជាការនៃការិយាល័យស៊ើបអង្កេត Metropolitan Police (MPB) កាលពីថ្ងៃពុធ។ ប៉ូលិសបាននិយាយថា មានពាក្យបណ្តឹងចំនួន ១០ ត្រូវបានប្តឹងប្រឆាំងនឹងជនសង្ស័យពាក់ព័ន្ធនឹងការលក់សំបុត្រសម្រាប់ការប្រគុំតន្ត្រី Blackpink ដែលបានធ្វើឡើងនៅពហុកីឡដ្ឋានជាតិ Rajamangala កាលពីថ្ងៃសៅរ៍ និងថ្ងៃអាទិត្យ ។

ក្នុងពេលសាកសួរ ជនសង្ស័យបានឆ្លើយសារភាពថា ខ្លួនពិតជាបានឆបោកតាមអ៊ីនធឺណិតមែន នាងបានប្រាប់មន្ត្រីប៉ូលិសថា នាងបានរកប្រាក់តាមរយៈការលក់សំបុត្រប្រគំតន្ត្រីឡើងវិញរបស់ Blackpink ។ កញ្ញា Nattharika បានប្រាប់អ្នកស៊ើបអង្កេតទៀតថា នាងបានសុំឱ្យមិត្តភ័ក្តិ និងប្អូនស្រីរបស់នាងទិញសំបុត្រការប្រគុំតន្ត្រី Blackpink តាមអ៊ីនធឺណិតហើយបន្ទាប់មកលក់សំបុត្រអេឡិចត្រូនិចនោះទៅអ្នកគាំទ្រវិញ។

ពួកគេបានទិញសំបុត្រចំនួន ២០០ សន្លឹកក្នុងតម្លៃ ៩ ៦០០ បាត (ប្រហែល ២៧៧ ដុល្លារ )ក្នុងមួយសន្លឹក យកលក់បន្តក្នុងតម្លៃចន្លោះពី ១៥.០០០ បាត(ប្រហែល ៤៣២ ដុល្លារ )ទៅ ៣០.០០០ បាត (ប្រហែល ៨៦៥ ដុល្លារ ) ដោយសំបុត្រទាំង ២០០ សន្លឹកបានលក់អស់ហើយ ទទួលបានប្រាក់ចំណេញយ៉ាងច្រើន។ ប៉ុន្តែតម្រូវការមានអ្នកទិញច្រើនរហូតដល់នាងសម្រេចចិត្តផ្ដល់សំបុត្រអេឡិចត្រូនិកដដែលម្ដងទៀត ទោះបីជាសំបុត្រទាំងនោះត្រូវបានលក់បន្តក៏ដោយ។

រហូតដល់ពេលដែលអ្នកគាំទ្របានមកចូលរួមការប្រគុំតន្ត្រីនោះ បញ្ហាមួយបានកើតឡើង ដោយសារតែសំបុត្រនីមួយៗមានម្ចាស់ច្រើនជាងមួយ។ ទើបអ្នកគាំទ្រ Blackpink មានការខកចិត្តជាច្រើននិង បានបណ្តឹងប៉ូលិសចំពោះករណីនេះ ហើយនៅពេលបច្ចុប្បន្នជនសង្ស័យត្រូវបានសមត្ថកិច្ចឃុំខ្លួននៅអធិការដ្ឋាននគរបាលដើម្បីចាត់ការបន្តតាមផ្លូវច្បាប់ ៕

ប្រែសម្រួល៖នាងតូច

ប្រភព៖Bangkokpost

ចុចអាន៖ផ្អើលវត្តថៃ ក្រោយលេចមុខ Lisa ស្លៀកប្រពៃណីទៅធ្វើបុណ្យ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម