តួឯកប្រុសក្នុងរឿង “Wednesday” ត្រូវចោទប្រកាន់ពីបទរំលោភផ្លូវភេទលើអនីតិជន

តារាសម្តែងវ័យក្មេង Percy Hynes White ដែលដើរតួជា Xavier ក្នុងខ្សែភាពយន្ត Wednesday ត្រូវបានគេចោទប្រកាន់ពីបទរំលោភផ្លូវភេទលើអនីតិជនជាក្មេងស្រីជាច្រើននៅសាលារៀន ។

កាលពីខែមករាឆ្នាំ ២០២៣ គណនី Twitter មួយបានអះអាងថាជាមិត្តរួមថ្នាក់វិទ្យាល័យរបស់ Percy Hynes White ចោទប្រកាន់តារាសម្តែងរូបនេះថាបានបៀតបៀនផ្លូវភេទទៅលើក្មេងស្រីជាច្រើននៅ ចន្លោះពេលដែលលោកមានអាយុ ១៧ដល់ ២០ ឆ្នាំ។ នាងបានលាតត្រដាងរូបថតខ្លះៗរបស់ Percy Hynes White បានផ្ញើទៅក្មេងស្រីផ្សេងទៀតទុកជាភស្តុតាង។

ជាមួយគ្នានេះនៅលើទំព័រផ្ទាល់ខ្លួនរបស់ Percy Hynes White បានបដិសេធពាក្យចចាមអារ៉ាមអំពីការរំលោភផ្លូវភេទ ហើយបាននិយាយថាវាជាព័ត៌មានមិនពិត។ “កាលពីដើមឆ្នាំនេះជនចម្លែកម្នាក់បានផ្សព្វផ្សាយពាក្យចចាមអារ៉ាមដែលគ្មានមូលដ្ឋានអំពីខ្ញុំនៅលើបណ្តាញសង្គមរឿងនេះបានធ្វើឱ្យគ្រួសារនិងមិត្តភក្តិរបស់ខ្ញុំមានបញ្ហាជាច្រើន ។

រូបភាពវ័យជំទង់របស់ខ្ញុំ រួមជាមួយនឹងតួអង្គរបស់ខ្ញុំនៅក្នុងខ្សែភាពយន្ត ត្រូវបានពិភាក្សានិងចំអកនៅលើអ៊ីនធឺណិត។ ជាពិសេសមិត្តរបស់ខ្ញុំ Jane កំពុងព្យាយាមបដិសេធពាក្យចចាមអារ៉ាមអំពីការរំលោភបំពាននេះ ម្យ៉ាងទៀត Jane បានអនុញ្ញាតឱ្យខ្ញុំនិយាយឈ្មោះរបស់នាងនៅក្នុងអត្ថបទនេះ។ តារារូបនេះបានសង្កត់ធ្ងន់ថា “ពាក្យចចាមអារ៉ាមនេះមិនពិតទេ។ ខ្ញុំមិនអាចទទួលយកបានទេ ដែលត្រូវបានគេចោទប្រកាន់ពីរឿងមិនទំនងទាល់តែសោះ”។

យ៉ាងណាមិញ Percy Hynes White កើតក្នុងឆ្នាំ ២០០១ ដែលលោកទទួលបានភាពល្បីល្បាញ ក្រោយពីសម្តែងរឿង Edge of winter ដែលជារឿងភ័យរន្ធត់សម្រាប់បុណ្យណូអែល។ ថ្មីៗនេះលោកទទួលបានជោគជ័យខ្លាំងក្នុងការដើរតួជា Xavier ក្នុងខ្សែភាពយន្ត Wednesday របស់ Netflix ៕

ប្រែសម្រួល៖នាងតូច

ចុចអាន៖សហគមន៍អ្នកស្រឡាញ់ភេទដូចគ្នា ខឹងសំបារឪពុករបស់ Justin Bieber ចំពោះការរើសអើង