កំពូលតារាបង្ហាញម៉ូដលំដាប់ពិភពលោកវ័យ ៥៣ ឆ្នាំស្វាគមន៍កូនទីពីរ

Naomi Campbell កំពូលតារាបង្ហាញម៉ូដលំដាប់ពិភពលោក ដែលមានទ្រព្យសម្បត្តិ ៩០ លានដុល្លារ ស្វាគមន៍កូនប្រុសទីពីរ ខណៈកូនស្រីទើបមានអាយុ ២ ខួបប៉ុណ្ណោះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាម៉ូដែលអង់គ្លេសវ័យ ៥៣ ឆ្នាំរូបនេះបានបង្ហោះរូបមួយសន្លឹកនៅក្នុងបណ្ដាញសង្គម Instagram ដោយភ្ជាប់ថា “កូនតូចរបស់ខ្ញុំ កូនទទួលបានការស្រលាញ់ដ៏លើសលប់ ចាប់តាំងពីកូនមានវត្តមានមក ។ មិនយឺតពេលក្នុងការធ្វើជាម្ដាយនោះទេ” ។

ក្នុងរូបនោះយើងឃើញថា ទារកទើបនឹងកើតកាលពីថ្ងៃសៅរ៍ ទី២៤ ខែមិថុនា ឆ្នាំ ២០២៣ ស្លៀកឈុតម៉ាក Dolce & Gabbana តម្លៃ ៣៤៧ ដុល្លារ ប៉ុន្តែមិនបញ្ចេញឈ្មោះ និងមុខទេ ។ សូម្បីឈ្មោះ និងមុខកូនស្រីដំបូងរបស់អ្នកស្រីក៏មិនចង់បង្ហាញដែរ ។

ចំណែកឯការពពោះវិញ គេមិនទាន់ដឹងច្បាស់នៅឡើយទេថា  Naomi ពពោះដោយផ្ទាល់ ឬប្រើសេវាកម្មពពោះជំនួស ។

យ៉ាងណាអ្នកស្រីទំនងជាប្រើសេវាកម្មពពោះជំនួសហើយ ព្រោះអ្នកគាំទ្រមិនដែលឃើញគាត់ពពោះទាល់តែសោះ ថែមទាំងអះអាងថា ក្មេងៗជាកូនបង្កើតទៀតផង ៕

ប្រែសម្រួល៖ វារី

ប្រភព៖ dailymail

ចុចអាន៖ កូនមានអាយុជិតមួយខែ ទើប Paris Hilton សម្រេចចិត្តប្រាប់ឈ្មោះពេញ