នៅក្នុងព្រឹត្តិការណ៍ម៉ូដរបស់ប្រេន Calvin Klein តារាល្បីៗជាច្រើនរូបពីជុំវិញពិភពលោកបានមកប្រមូលផ្ដុំគ្នានៅប្រទេសកូរ៉េខាត្បូង ដើម្បីត្រៀមបង្ហាញនូវឈុតសម្លៀកបំពាក់របស់ម៉ាកយីហោលំដាប់មួយនេះ ដែលក្នុងនោះក៏មានតារាស្រីទៅពីប្រទេសកម្ពុជា ថៃ និងវៀតណាមផងដែរ។

តារាសម្ដែង និងបង្ហាញម៉ូដតំណាងប្រទេសកម្ពុជា ស៊ីន យូប៊ីន បានទៅដល់កូរ៉េទាំងមិនទាន់ជាស្រួលបួល ខណៈមុនហោះទៅទឹកដីគីមឈី គេឃើញនាងបានចូលសម្រាកនៅមន្ទីរពេទ្យ ប៉ុន្តែម្សិលមិញនាងបានទៅដល់ទីនោះដោយសុវត្ថិភាព។ ជាមួយគ្នានោះ ស៊ីន យូប៊ីន បានជួបជាមួយតារាស្រីថៃ Mai Davika និងតារាបង្ហាញម៉ូដវៀតណាម Toc Tien ដោយបានញ៉ាំអាហារពេលល្ងាចជាមួយគ្នា និងបានថតរូបជុំគ្នាយ៉ាងសប្បាយរីករាយទៀតផង។

មកដល់ថ្ងៃនេះ កម្មវិធីផ្លូវការមិនទាន់ចាប់ផ្ដើមនៅឡើយទេ​ ចំណែករូបភាពផ្លូវការនានាក៏ពុំទាន់មានបង្ហោះនៅលើបណ្ដាញសង្គមឱ្យទស្សនិកជនបានឃើញដែរ៕

អត្ថបទ៖ សន្យា

ចុចអាន៖ Mai Davika ប្រែរូបរាងថ្មី ទស្សនិកជនមើលសឹងមិនស្គាល់

ចុចអាន៖ លោក Nawat ដាក់ពាក្យប្ដឹងជំនួសអតីតបវរកញ្ញា Engfa រឿងគេបរិហាកេរ្តិ៍លើបណ្ដាញសង្គម