កូនមានអាយុជិតមួយខែ ទើប Paris Hilton សម្រេចចិត្តប្រាប់ឈ្មោះពេញ

Paris Hilton បានប្រកាសឈ្មោះកូនដំបូងជាមួយលោក Carter Reum កាលពីថ្ងៃពុធ ក្នុងកម្មវិធីផតខាស់ “This Is Paris” នាងនិយាយថា “កូនប្រុសដ៏ស្រស់ស្អាតរបស់ខ្ញុំឈ្មោះ Phoenix Barron Hilton Reum, ខ្ញុំនិង Carter ពិតជាមានមោទនភាពណាស់ ក្នុងការស្វាគមន៍គាត់ចូលមកកាន់ពិភពលោកនេះ” ។

តារាហូលីវូដវ័យ ៤១ ឆ្នាំខាងលើបានបន្ថែមថា នាងមានគម្រោងដាក់ឈ្មោះឲ្យកូនស្រីបន្ទាប់តាមទីក្រុងឡុងដុង ហើយសង្ឃឹមថាមិនប្ដូរចិត្តពីការដាក់ឈ្មោះកូនបន្តបន្ទាប់តាមទីក្រុងផ្សេងៗទៀត ។ “ខ្ញុំខំចំណាយពេលដាក់ឈ្មោះឲ្យកូនរាប់ឆ្នាំឯណោះ ឈ្មោះ Phoenix មានន័យថាក្ដីសង្ឃឹម កើតឡើងវិញ និងការប្រែកាយ” Paris បញ្ជាក់ ។ 

ចំណែកឈ្មោះ Barron Hilton ដែលនៅកណ្ដាលឈ្មោះពេញរបស់កូនប្រុស Paris គឺជាឈ្មោះជីតារបស់អ្នកស្រីផ្ទាល់តែម្ដងគាត់ដាក់ដើម្បីរំលឹកដល់លោកជាពិសេស ។

គួររំលឹកថាអ្នកស្រី Hilton បានប្រកាសពីវត្តមានកូនប្រុសរបស់ខ្លួនកាលពីថ្ងៃទី២៥ ខែមករា ក្នុងបណ្ដាញសង្គម Instagram ផ្ទាល់ធ្វើឲ្យអ្នកតាមដានឆ្ងល់ជាខ្លាំង ព្រោះមិនដែរឃើញនិមិត្តរូបពពោះសោះ តាមពិត Paris ប្រើប្រាស់សេវាកម្មពពោះជំនួសដូច Kim Kardashian ជាមិត្ត ។ 

ពាក់ព័ន្ធដំណើរការពពោះ Kim ជាអ្នកផ្ដល់យោបល់ឲ្យទៅ Paris ដោយសារពួកគេមានអាយុច្រើន ហើយពិបាកមានកូនទើបមានតែវិធីនេះទេដែលល្អបំផុត ។

ជាក់ស្ដែងក្នុងឆ្នាំ ២០២២ ខែវិច្ឆិកា នាងធ្លាប់បង្ហើបថា “ខ្ញុំព្យាយាមមានកូនតែពិបាកណាស់បើទៅមិនរួចក៏មានអំប្រ៊ីយ៉ុងជាច្រើនកំពុងរង់ចាំដែរ” ប៉ុន្តែមិនមាននរណាចាប់អារម្មណ៍ឡើយរហូតដល់កូនកើតមក ៕

ប្រែសម្រួល ៖ វារី

ចុចអាន ៖ ១០ យ៉ាងពី Paris Hilton តារាស្រីហូលីវូដជើងចាស់តែខ្លឹម

ចុចអាន ៖ អ្នកគាំទ្រ Kylie Jenner អស់សំណើច ពេលស្គាល់ឈ្មោះកូនប្រុសទីពីររបស់នាង