ភ្នាក់ងារ Lee Jung Jae បដិសេធរឿងជួយ T.O.P ឱ្យមានមុខក្នុងភាពយន្ត “Squid Game 2”

បន្ទាប់ពីក្រុមហ៊ុន Netflix បញ្ជាក់ថា T.O.P អតីតសមាជិកក្រុម BIGBANG នឹងក្លាយជាតួសម្ដែងនៅរដូវកាលទី២ នៃរឿងភាគ “Squid Game” ព័ត៌មានចចាមអារ៉ាមដែលថាតារាសម្ដែង Lee Jung Jae​ ​ជាអ្នកជួយជ្រោមជ្រែងបានផ្ទុះឡើងទន្ទឹមគ្នា និងបង្កឱ្យមានមតិរិះគន់យ៉ាងខ្លាំងពីសំណាក់ទស្សនិកជន។

តាមការចុះផ្សាយពី Dispatch ទម្លាយថា Lee Jung Jae និង T.O.P ធ្លាប់ជាមិត្តជិតស្និទ្ធនឹងគ្នាច្រើនឆ្នាំមកហើយ ដូច្នេះទើបបានជា Lee Jung Jae ខំប្រឹងយឹតយោង T.O.P ឱ្យបានចូលរួមជាតួសំខាន់ក្នុងរឿង Squid Game វគ្គ២ ។

ជុំវិញពាក្យចចាមអារ៉ាមនេះ ភ្នាក់ងាររបស់ Lee Jung Jae បានចេញមុខបដិសេធតាមរយៈសេចក្តីប្រកាសព័ត៌មានផ្លូវការមួយ នៅថ្ងៃទី២៩ ខែមិថុនា ថា ព័ត៌មានកំពុងចែកផ្សាយយ៉ាងផុសផុលជារឿងមិនពិតនោះទេ។

នៅក្នុងសេចក្ដីថ្លែងការណ៍បញ្ជាក់ថា Lee Jung Jae និង T.O.P ពុំ​មាន​ទំនាក់​ទំនង ​ឬ​ទាក់​ទង​គ្នាយូរឆ្នាំឡើយ។ ចំពោះវត្តមាន T.O.P ក្នុងខ្សែភាពយន្ត Squid Game វគ្គ២ មិន​ស្ថិត​ក្រោមសិទ្ធិ​អំណាច​របស់ Lee Jung Jae ​​នោះទេ។ យើង​បញ្ជាក់​ម្តង​ទៀត​ “វា​មិន​មែន​ជា​ការ​ពិតទេ​ដែលថា Lee Jung Jae បាន​ចូល​រួម​ក្នុងសម្រេចចិត្តរើស​តួ​សម្ដែង​ក្នុងខ្សែភាពយន្តរឿង Squid Game រដូវ​កាល​ទី២” ៕

ប្រែសម្រួល៖ សន្យា

ចុចអាន៖ ក្រោយដឹងថា T.O.P នឹងសម្ដែងក្នុងរឿង “Squid Game 2” អ្នកលេងអ៊ីនធឺណិតកូរ៉េផ្ទុះការិះគន់ព្រាត

ចុចអាន៖ Dispatch ទម្លាយថា Lee Jung Jae គឺជាហេតុផលដែល T.O.P ត្រូវជ្រើសជាតួក្នុងរឿង Squid Game វគ្គ ២