ក្រោយដឹងថា T.O.P នឹងសម្ដែងក្នុងរឿង “Squid Game 2” អ្នកលេងអ៊ីនធឺណិតកូរ៉េផ្ទុះការិះគន់ព្រាត

អ្នកនិយមលេងអ៊ីនធឺរណិតកូរ៉េនាំគ្នាប្រតិកម្មមិនពេញចិត្តនឹងព័ត៌មានដែលថា អតីតសមាជិកក្រុម BIGBANG លោក T.O.P នឹងចូលរួមសម្តែងក្នុងខ្សែភាពយន្តភាគរឿង Squid Game វគ្គ២ របស់ Netflix ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជុំវិញការលេចមុខតារាចម្រៀង T.O.P ក្នុងភាពយន្ត Squid Game 2 ត្រូវប្រព័ន្ធផ្សព្វផ្សាយ Dispatch បង្ហាញឲ្យដឹងថា ដោយសារតែតារាប្រុស Lee Jung Jae ជួយជ្រោមជ្រែងឲ្យអតីតសមាជិក​ក្រុម BIGBANG រូបនេះ បានចូលរួមក្នុងវិស័យភាពយន្ត។

ដំណឹងនេះមិនបានធ្វើឱ្យអ្នកលេងអ៊ីនធឺណិតកូរ៉េពេញចិត្តឡើយ ពួកគេជាច្រើនបានលើកគ្នាមករិះគន់ធ្ងន់ៗទៅលើ T.O.P និងសុំការបកស្រាយពីអ្នកពាក់ព័ន្ធផ្សេងទៀត។ ជាមួយគ្នានោះ អ្នកតំណាង T.O.P ឆ្លើយតបខ្លីប៉ុណ្ណោះ ដោយលើកឡើងថា ខ្លួនមិនអាចនិយាយអ្វីក្រៅពីសេចក្តីថ្លែងការណ៍ផ្លូវការពីក្រុមហ៊ុន Netflix នោះទេ។

ដោយសារទទួលបានចម្លើយមួយនេះ អ្នក​លេង​អ៊ីនធឺរណិតបានបញ្ចេញ​​ប្រតិកម្ម​អវិជ្ជមាន​ជាច្រើន​ចំពោះ​តួ​សម្ដែង និង​ការ​ដាក់​បញ្ចូល​ T.O.P ជាតួសំខាន់ក្នុងភាពយន្តដ៏ល្បីល្បាញ Squid Game រដូវកាលទី២ ។

មតិអ្នក​លេង​អ៊ីនធឺរណិតទាំងនោះនិយាយថា “ភាពយន្ត Squid Game 2 នឹងធ្លាក់ប្រជាប្រិយភាពដោយសារ T.O.P, ហេតុអ្វីជ្រើសយកអតីតសមាជិក YG ចូលនិវត្តន៍មកសម្ដែង?, ហេតុ​អ្វី​​ប្រើអ្នកចម្រៀងឱ្យមក​សម្ដែង?, ខ្ញុំមិនរំពឹងថារឿងនេះល្បីនោះទេ, T.O.P ​ជាមនុស្សធ្លាប់ប្រើថ្នាំញៀន, ខ្ញុំនឹងមិនមើលរឿងនេះទេ​, តួឆ្កួតយ៍…” ។ល៕

ប្រែសម្រួល៖ សន្យា

ចុចអាន៖ T.O.P និងតារាល្បីៗច្រើន​ទៀត នឹងមានវត្តមានក្នុងរឿង “Squid Game វគ្គ២”

ចុចអាន៖ Lisa រក្សាភាពស្ងៀមស្ងាត់ ក្រោយអ្នកកាសែតសួរនាំទំនាក់ទំនងជាមួយ Park Bo Gum