គ្រួសារលោក ព្រាប សុវត្ថិ ចូលរួមហែក្បូនឃោសនាបោះឆ្នោត ដោយសប្បាយរីករាយ

សម្រាប់ការបើកយុទ្ធនាការឃោសនាបោះឆ្នោតជ្រើសតំណាងរាស្ត្រនីតិកាលទី៧នេះ មានវត្តមានប្រជាពលរដ្ឋយ៉ាងច្រើនកុះករបានចូលរួមក្បូនហែឃោសនាគាំទ្រគណបក្សនយោបាយ។ មិនខុសគ្នាពីប្រជាពលរដ្ឋនៅតាមមូលដ្ឋាននៃភូមិ ឃុំ ស្រុក ខេត្ត ក្រុងនីមួយៗដែលបាននាំគ្នាចូលរួមហែក្បូនឃោសនា ពោលគឺមានវត្តមានតារាសិល្បៈប្រុស-ស្រីល្បីៗជាច្រើនដួងស្ទើរគ្រប់ទម្រង់បាននាំគ្នាមកចូលរួមក្បូនហែឃោសនាគាំទ្រគណបក្សប្រជាជនកម្ពុជាផងដែរ។

ចំណែកកំពូលតារាចម្រៀងលំដាប់ប្រទេសមានងារជាឧកញ៉ា លោក ព្រាប សុវត្ថិ ភរិយា ព្រមទាំងកូនប្រុសទាំងបីក៏បង្ហាញវត្តមានចូលរួមហែក្បូនឃោសនាបោះឆ្នោតគាំទ្រគណបក្សប្រជាជនកម្ពុជា ដោយទឹកមុខសប្បាយរីករាយគាំទ្រដោយស្មោះស្ម័គ្រ។ ឧកញ៉ា ព្រាប សុវត្ថិ បានថ្លែងថា៖ “ចូលរួមយុទ្ធនាការឃោសនារកសំឡេងឆ្នោត សប្បាយរីករាយណាស់ ជយោ គណបក្សប្រជាជនកម្ពុជា អរគុណសន្តិភាព”។

តាមទិដ្ឋភាពជាក់ស្តែង ប្រជាពលរដ្ឋ និងសិល្បករ-សិល្បការិនីដែលបានចូលរួមទាំងអស់សុទ្ធតែសម្តែងក្តីរីករាយ ផុសចេញពីក្រអៅបេះដូង និងគាំទ្រគណបក្សប្រជាជនកម្ពុជា ដែលដឹកនាំដោយសម្តេចតេជោ ហ៊ុន សែន ជានា យករដ្ឋមន្ត្រីនៃប្រទេសកម្ពុជា។ ប្រជាពលរដ្ឋបានត្រៀមលក្ខណៈសម្បត្តិរួចរាល់ដើម្បីបោះឆ្នោត នៅថ្ងៃទី២៣ ខែកក្កដា ឆ្នាំ២០២៣នេះ៕

អត្ថបទ៖ ចាន់រ៉ា