ជីវិតកម្សាន្ដ

លីវ ជីលី ថា នេះជាលើកចុងក្រោយសម្រាប់វិស័យបវរកញ្ញា ហើយក៏ស្បថ

បានផុស

៣ years មុន

នៅ

ថ្ងៃចន្ទ ១៧ កក្កដា ២០២៣

ដោយ

ទើបត្រឡប់មកពីប្រកួតនៅប្រទេសប៉ូឡូញ កម្មវិធីប្រឡងសម្រស់លើឆាកអន្តរជាតិ Miss Supranational 2023 បវរកញ្ញារូបស្រស់ លីវ ជីលី ស្រាប់តែប្រកាសយ៉ាងភ្ញាក់ផ្អើលទៅកាន់មហាជន អ្នកគាំទ្រថា នេះជាលើកចុងក្រោយរបស់នាងក្នុងវិស័យបវរកញ្ញា។ មិនត្រឹមតែប៉ុណ្ណោះ ជីលី ថែមទាំងបន្លុយពាក្យទៀតថា នាងហ៊ានស្បថ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតថ្មីៗនេះបានធ្វើឲ្យអ្នកគាំទ្រនាងជាច្រើនបង្ហាញការចូលរួមសោកស្ដាយគ្រប់គ្នា ខណៈបវរកញ្ញាកម្ពុជាកញ្ញា លីវ ជីលី ពុំអាចចូលទៅដល់ Top កំពូល ណាមួយ នៃការប្រកួតលើឆាកអន្តរជាតិ Miss Supranational 2023 នៅប្រទេសប៉ូឡូញ។ បើទោះបីជាយ៉ាងនេះក៏ពិតមែន សម្រាប់កញ្ញា លីវ ជីលី នៅតែរក្សាបានការគាំទ្រ និងលើកទឹកចិត្តខ្លាំងពីសំណាក់ប្រជាជនកម្ពុជាមួយភាគធំផងដែរ។

ដោយឡែកអ្វីដែលធ្វើឲ្យគេចាប់អារម្មណ៍មុននេះ បន្ទាប់ពីឃើញ លីវ ជីលី ពោលពាក្យហាក់តូចចិត្តនូវរឿងអ្វីមួយដល់ថ្នាក់នាងថា នេះជាលើកចុងក្រោយសម្រាប់វិស័យបវរកញ្ញា ហើយក៏ស្បថដែរ។ ខ្លឹមសារដែល ជីលី លើកឡើងសង្កត់ធ្ងន់ថា «ខ្ញុំយល់អំពីវិស័យបវរកញ្ញាកាន់តែច្បាស់នៅពេលនេះ អ្នកយល់លើកដៃ អ្នកឆ្ងល់អាចសួរខ្ញុំបាន»។

នាងក៏បញ្ជាក់បន្ថែមដែរថា «ឯងខំតស៊ូចង់ងាប់ចង់រស់ហើយនេះ ក៏ជាលើកចុងក្រោយផងដែរ ស្បថនិយាយមែន»។ ឆ្លើយទៅកាន់អ្នកគាំទ្រ បវរកញ្ញា លីវ ជីលី ក៏បានបន្លុយយ៉ាងចាប់អារម្មណ៍ដែរថា «តាមហ្នឹងទៅបង សមត្ថភាពមិនឈ្នះទឹកលុយទេ»។

សូមជម្រាបដែរថា បវរកញ្ញា លីវ ជីលី ទោះបីពុំអាចចូលទៅដល់ Top កំពូល ណាមួយ នៃការប្រកួតលើឆាកអន្តរជាតិ Miss Supranational 2023 នៅប្រទេសប៉ូឡូញ ក៏ពិតមែន សម្រាប់នាងនៅតែរក្សាបានការគាំទ្រ និងលើកទឹកចិត្តខ្លាំងពីសំណាក់ប្រជាជនកម្ពុជា៕

អត្ថបទ ៖ ចាន់រ៉ា