ជីវិតកម្សាន្ដ

ហេតុផលខ្លះៗបញ្ជាក់ថា Lisa ជាសេដ្ឋិនីលាក់មុខម្នាក់ទៀត

បានផុស

៣ years មុន

នៅ

ថ្ងៃព្រហស្បតិ៍ ៣ សីហា ២០២៣

ដោយ

មិនមែនជារឿងចម្លែកនោះទេ ប្រសិនទស្សនិកជនជាច្រើនធ្លាប់ឮថា Lisa គឺជាមហាសេដ្ឋីលំដាប់ពិភពលោក។ ព្រោះកន្លងមក ឈ្មោះរបស់នាងត្រូវបានគេចុះបញ្ជីជាតារាមានបំផុតទាំង ១០ និងការព្យាករណ៍បច្ចុប្បន្នបង្ហាញឲ្យដឹងថា សមាជិកក្រុម BLACKPINK រូបនេះ មានប្រាក់ចំណូលសុទ្ធ ២៥ លានដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើទម្លាយពីទ្រព្យសម្បត្តិរបស់ Lisa នាងមានផ្ទះប្រណីតតម្លៃជាង ៧.៥ ពាន់លានវ៉ុន ដែលផ្ទះនោះមានទីតាំងនៅ Seongbuk-dong ទីក្រុងសេអ៊ូល ប្រទេសកូរ៉េខាងត្បូង។

លើសពីនេះទៅទៀត Lisa គឺជាអ្នកកាន់កាតឥណទាន The black card ខណៈអ្នកកាន់កាតនេះត្រូវតែមានប្រាក់ចំណូលយ៉ាងតិច១៥លានដុល្លារ ហើយមានតែកំពូលតារាមួយចំនួនប៉ុណ្ណោះដែលមានសិទ្ធកាន់កាតនេះក្នុងដៃ។

យ៉ាងណាក៏ដោយ Lisa ក៏ជាព្រះនាងផ្ដាច់មុខនៃគ្រឿងអលង្ការម៉ាកយីហោអន្តរជាតិ BVLGARI បន្ទាប់ពីអ្នកគាំទ្រនាងតែងតែឃើញនាងពាក់ចិញ្ចៀន ខ្សែក និងនាឡិកាឲ្យគេឃើញជាប្រចាំ។ ជាពិសេទៀតនោះ ក្នុងដំណើរប្រគំតន្ត្រីចុងក្រោយ Lisa បានជិះរថយន្តទំនើប Rolls-Royce Ghost ពណ៌ខៀវជំនាន់ទី ២ ដែលរថយន្តនេះមានតម្លៃជាង ៩៣៣,៧០៦ ដុល្លារឯណោះ៕