ជីវិតកម្សាន្ដ

YG ចេញមុខបញ្ជាក់ថា Jisoo និង Ahn Bo Hyun មានទំនាក់ទំនងស្នេហាពិតប្រាកដមែន

បានផុស

៣ ខែ មុន

នៅ

ថ្ងៃព្រហស្បតិ៍ ៣ សីហា ២០២៣

ដោយ

Jisoo សមាជិកក្រុម BLACKPINK និងតារាសម្តែង Ahn Bo Hyun កំពុងមានទំនាក់ទំនងគ្នា ខណៈ ទាំងផលិតកម្ម YG Entertainment និង FN Entertainment បានបញ្ជាក់នៅថ្ងៃទី០៣ ខែសីហានេះព្រមគ្នាតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកតំណាងរបស់ YG Entertainment បានប្រាប់បណ្តាញសារព័ត៌មាននៅថ្ងៃនេះថា “Jisoo និង Ahn Bo Hyun កំពុងស្គាល់គ្នាដោយអារម្មណ៍ល្អ។ ពួកយើងនឹងដឹងគុណ ប្រសិនបើអ្នកទាំងអស់គ្នាមើលពួកគេយ៉ាងកក់ក្តៅ”។ ចំណែកខាងផលិតកម្ម FN Entertainment របស់ Ahn Bo Hyun បានចេញសេចក្តីថ្លែងការណ៍ស្រដៀងគ្នានេះផងដែរ។

អ្នកគាំទ្រជាច្រើន សុទ្ធតែដឹងហើយថា Ahn Bo Hyun កើតនៅឆ្នាំ១៩៨៨ មានអាយុ៣៥ឆ្នាំ ចំណែក Jisoo មានអាយុតិចជាង ៧ ឆ្នាំនៅអាយុ ២៨ ឆ្នាំ កើតក្នុងឆ្នាំ១៩៩៥ ។ តារាទាំងពីរបានបង្ហាញខ្លួននៅឆ្នាំ ២០១៦ ដូចគ្នា ក្នុងពេលដែល Ahn Bo Hyun សម្ដែងក្នុងរឿង ‘Hiya’ និង Jisoo ក្នុងក្រុម BLACKPINK ។

យ៉ាងណាមិញ នេះជាលើកទីមួយហើយដែល YG ទទួលស្គាល់ជាសាធារណៈនូវព័ត៌មានណាត់ជួបរបស់សមាជិក Blackpink ជាក្រុម Kpop ដ៏ពេញនិយមទូទាំងពិភពលោកដែលមានអ្នកគាំទ្រជាច្រើន។ ចំណែកតារាសម្ដែង Ahn Bo Hyun កំពុងដើរលើវិថីសិល្បៈកូរ៉េ និងមានការងារជាច្រើនផងដែរ។

ទោះយ៉ាងណាក៏ដោយ កាលពីប៉ុន្មានថ្ងៃនេះ ប្រព័ន្ធផ្សព្វផ្សាយDispatch បានរាយការណ៍ផ្តាច់មុខថា គូស្នេហ៍ថ្មីថ្មោងមួយនេះតែងតែចំណាយពេលនៅផ្ទះរបស់ Jisoo នៅ Yongsan បន្ទាប់ពីនាងត្រលប់មកប្រទេសកូរ៉េវិញ៕