ជីវិតកម្សាន្ដ

លោក ហ៊ុយ យ៉ាឡេង អន់ចិត្ត ក្រោយទទួលពានភាពយន្តអន្តរជាតិជូនជាតិ តែគ្មានការផ្សព្វផ្សាយ

បានផុស

៣ years មុន

នៅ

ថ្ងៃចន្ទ ៧ សីហា ២០២៣

ដោយ

លោក ហ៊ុយ យ៉ាងឡេង ដែលជាផលិតករខ្មែរល្បីឈ្មោះតាមរយៈរឿង “ដើម្បីកូន” បានសម្ដែងការអាក់អនចិត្តបន្ទាប់ពីស្នាដៃរឿងរបស់លោក ដែលទើបតែទទួលបានពានភាពយន្តអន្តរជាតិមួយជូនជាតិ ប៉ុន្តែហាក់ពុំមានការចាប់អារម្មណ៍ ឬការចុះផ្សព្វផ្សាយនៅលើបណ្ដាញសារព័ត៌មានក្នុងស្រុកមួយណាឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហ៊ុយ យ៉ាឡេង បញ្ជាក់ឱ្យដឹងថា ខ្សែភាពយន្តរឿង “ដើម្បីកូន” គឺទទួលបានពានរង្វាន់ Special Jury Award 2023 នាមហោស្រពភាពយន្តអន្តរជាតិអាស៊ាន ( 2023 ASEAN International Film Festival Award) ក្នុងប្រទេសម៉ាឡេស៊ី។ ក្រៅពីទទួលបានពានរង្វាន់ពិសេសរបស់គណៈមេប្រយោគ លោកក៏បានជាប់ឈ្មោះជាបេក្ខភាពឈានទៅដណ្ដើមពានរង្វាន់តារាសម្ដែងឆ្នើម Best Actor នៅក្នុងមហោស្រពនេះផងដែរ។

ស្របពេលជាមួយគ្នានេះ ផលិតករ លោក ហ៊ុយ យ៉ាឡេង កាលពីថ្មីៗ បានបង្ហាញក្តីរំភើបថា “ទីបំផុតខ្ញុំបានពានអន្តរជាតិមួយជូនជាតិហើយ អរគុណប្រទេសកម្ពុជា អរគុណបងប្អូនដែលជួយគាំទ្រខ្ញុំកន្លងមកអរគុណក្រុមការងារ ពេលនេះរឿង «ដើម្បីកូន» ទទួលបានពាន special jury Award 2023″។

យ៉ាងណាក្រោយទទួលបានពានមិនបានប៉ុន្មានស្រាប់តែលោក យ៉ាឡេង ក៏សម្ដែងការខកចិត្តក្រោយទទួលបានពានភាពយន្តអន្តរជាតិមួយជូនជាតិ តែគ្មានការផ្សព្វផ្សាយពីសារព័ត៌មានដើម្បីលើកស្ទួយវិស័យភាពយន្តខ្មែរ។

សូមជម្រាបដែរថា ខ្សែភាពយន្តរឿង “ដើម្បីកូន” គឺនិពន្ធដោយ ចត្វាផ្លឹស ដឹកនាំរឿងដោយលោក ហ៊ុយ យ៉ាឡេង ដែលចាក់បញ្ចាំងផ្សាយកាលពីអំឡុងឆ្នាំ២០២០ ដែលទទួលបានការគាំទ្រច្រើនពីមហាជនខ្មែរ៕

អត្ថបទ៖ ចាន់រ៉ា