ជីវិតកម្សាន្ដ

ផលិតករភាពយន្តជើងចាស់ល្បីឈ្មោះលោក លី គីមស្រ៊ុន បានទទួលមរណភាព

បានផុស

៣ years មុន

នៅ

ថ្ងៃអាទិត្យ ២០ សីហា ២០២៣

ដោយ

នេះជាដំណឹងមរណទុក្ខដ៏ក្រៀមក្រំ និងសោកសៅបំផុតសម្រាប់ក្រុមគ្រួសាររបស់ផលិតករភាពយន្តល្បីឈ្មោះ លោក លី គីមស្រ៊ុន ដែលជាអ្នកដឹកនាំសម្ដែងរឿង”ភ្លៀងមួយតក់” បានទទួលមរណភាពហើយ។ នេះបើតាមការបញ្ជាក់ឲ្យដឹងពីតារាសម្ដែងលោក សាវិន ហ្វីលីព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សាវិន ហ្វីលីព បានរៀបរាប់ថា «RIP..លោក លី គីមស្រ៊ុន គឺ ជាផលិតករភាពយន្តជើងចាស់ម្នាក់ បានទទួលមរណភាពហើយ កាលពីថ្ងៃម្សិលមិញ វេលាម៉ោង ២ និង ២២ រសៀល ថ្ងៃទី ១៩ ខែសីហា ឆ្នាំ ២០២៣។ ខ្ញុំធ្លាប់បានចូលរួមសម្ដែងរឿង”ភ្លៀងមួយតក់” កាលពី ៧ ឆ្នាំមុន ដែលគាត់ផលិតឲ្យ SEATV»។

តារាសម្ដែងលោក សាវិន ហ្វីលីព បានបន្ថែមថា «លោកពូស្លូតបូតណាស់ ហើយការនិយាយស្ដីគឺ មានគុណធម៌ណាស់ជាមួយតារាសម្ដែង និងក្រុមការងារផលិត។ សូមលោកពូបានទៅកាន់ទីស្ងប់សុខ កុំបីឃ្លៀងឃ្លាតឡើយ»។

តាមរយៈដំណឹងមរណភាពផលិតករភាពយន្តជើងចាស់ល្បីឈ្មោះលោក លី គីមស្រ៊ុន ខាងលើនេះ គេឃើញមានអ្នកគាំទ្រ ព្រមទាំងសិល្បករ-សិល្បការិនីជាច្រើន បានសម្ដែងការចូលរួមសោកស្ដាយ និងផ្ញើសារចូលរួមរំលែកមរណទុក្ខដ៏សោកសៅជាមួយគ្រួសារសពផងដែរ៕

អត្ថបទ ៖ ចាន់រ៉ា