ជីវិតកម្សាន្ដ

ភឹម ស្រីនោ ពីក្មេងស្រីម្នាក់ដើរតាមក្ដីស្រមៃ ក្លាយជា MGC2023 ត្រៀមតំណាងកម្ពុជា លើឆាកអន្តរជាតិ

បានផុស

៣ years មុន

នៅ

ថ្ងៃអង្គារ ២២ សីហា ២០២៣

ដោយ

ក្រោយឆ្លងកាត់នូវការប្រកួតយ៉ាងលំបាក និងវគ្គជម្រុះជាច្រើនខែកន្លងមកនោះ កាលពីថ្មីៗនេះ រកឃើញម្ចាស់មកុដបវរកញ្ញា Miss Grand Cambodia2023 បានទៅលើកញ្ញា ភឹម ស្រីនោ Miss Grand តំណាងភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជោគជ័យនេះធ្វើឲ្យសាមីខ្លួនកញ្ញា ភឹម ស្រីនោ សម្ដែងការរំភើបខ្លាំង បន្ទាប់ពីក្ដីស្រមៃរបស់នាងសម្រេចដូចបំណងក្នុងវិស័យបវរកញ្ញាដែលបានលះបង់ពេលវេលាជាច្រើនមកហើយនោះ។ ជាការពិតណាស់ ភឹម ស្រីនោ គឺជាក្មេងស្រីម្នាក់ ដែលតែងតែដើរតាមក្ដីស្រមៃរហូតក្លាយជាម្ចាស់មកុដ Miss Grand Cambodia 2023 ហើយនៅក្នុងពេលនេះ។

ស្រីនោ បញ្ជាក់ប្រាប់សារព័ត៌មានឲ្យដឹងថា បន្ទាប់ពីជ័យជំនះនេះនាងបានទទួលកាតព្វកិច្ចដ៏សំខាន់មួយដែលត្រូវបំពេញនាពេលខាងមុខនេះ គឺ ក្លាយខ្លួនជាបវរកញ្ញាតំណាងឲ្យប្រទេសកម្ពុជា ទៅលើឆាកអន្តរជាតិ ក្នុងកម្មវិធី Miss Grand International 2023 ប្រារព្ធឡើងនៅប្រទេសវៀតណាម ហើយការប្រកួតនឹងចាប់ផ្ដើមនៅខែតុលា ខាងមុខនេះ។

កញ្ញា ភឹម ស្រីនោ បានបន្តថា «ក្នុងភាពជោគជ័យមួយនេះ នាងខ្ញុំចង់សម្ដែងការដឹងគុណយ៉ាងជ្រាលជ្រៅចំពោះបុគ្គលសំខាន់ៗ ជាច្រើន ដែលបានគាំទ្រ និងផ្ដល់កម្លាំងចិត្តរហូតមក»។ នាងថា «អ្នកទាំងអស់គ្នា ជាកម្លាំងចិត្ត ជាភាពជោគជ័យ សម្រាប់ដំណើរមួយនេះ បើគ្មានអ្នកទាំងអស់គ្នា ក៏គ្មានភាពជោគជ័យមួយនេះដែរ សង្ឃឹមថា ពុកម៉ែបងប្អូន នៅតែស្រឡាញ់ ហើយបន្តការគាំទ្រដល់រូបនាងខ្ញុំនៅពេលខាងមុខនេះ កាន់ដៃគ្នាទៅមុខបន្តទៀត សម្រាប់ការប្រកួតលើឆាកអន្តរជាតិ»៕

អត្ថបទ ៖ ចាន់រ៉ា