Charlie Puth ភ្ជាប់ពាក្យជាមួយមិត្តស្រី ដែលជាពួកម៉ាកនឹងគ្នាតាំងពីកុមារភាព

តារា​ចម្រៀងអាមេរិកាំង លោក Charlie Puth ​បានបង្កការភ្ញាក់ផ្អើលដល់ទស្សនិកជន ព្រមទាំងទទួលបានសារអបអររាប់លាននាក់ពីអ្នកគាំទ្រ ក្រោយតារាវ័យ ​៣១ឆ្នាំរូបនេះ ​ប្រកាសនៅលើ Instagram ផ្ទាល់ខ្លួនថា លោកនឹងរៀបការជាមួយមិត្តស្រីរបស់លោក ​ដែលជាពួកម៉ាកនឹងគ្នាកាលពីនៅក្មេងៗ។

បន្ទាប់ពីណាត់ជួបជាមួយគ្នាបាន ១ឆ្នាំ តារាចម្រៀង Charlie Puth បានសម្រេចចិត្តសុំមិត្តស្រី នាង Brooke Sansone រៀបការជាផ្លូវការ ​នៅឯ​ទីក្រុង New York សហរដ្ឋអាមេរិក។ ស្ថិតនៅក្នុងភោជនីយដ្ឋាន Lucali ជាមួយនឹងចិញ្ចៀនពេជ្របញ្ចាំស្នេហ៍ Charlie បានសរសេរថា “ខ្ញុំបានហោះទៅញូវយ៉ក ដើម្បីសុំមិត្តល្អបំផុតរបស់ខ្ញុំរៀបការ ហើយនាងបានយល់ព្រម។”

ប្រិយមិត្តដែលបានដឹងរឿងនេះ នាំគ្នាចែករំលែកសារអបអរសាទរយ៉ាងព្រោងព្រាត ហើយរំពឹងថា មង្គលរបស់អ្នកទាំងពីរនឹងមកដល់ក្នុងពេលឆាប់ៗខាងមុខនេះ៕

ប្រែសម្រួល៖ សន្យា

ចុចអាន៖ មិត្តស្រី Ronaldo សម្ញែងគ្រឿងពេជ្រជិត ៥លានដុល្លារ នៅមហោស្រពភាពយន្តប្រទេសអ៊ីតាលី

ចុចអាន៖ ទើបតែដឹង តាមពិត Mai Davika ព្រាត់ប្រាស់ឪពុកអស់ ២២ឆ្នាំហើយ