លេចឮពាក្យចចាមអារ៉ាម Taylor Swift កំពុងមានទំនាក់ទំនងស្នេហាស្ងាត់ៗជាមួយកីឡាករបាល់ឱបអាមេរិក

បណ្ដាញ The Messenger ដែលជាទីភ្នាក់ងារព័ត៌មានកម្សាន្តមួយមកពីសហរដ្ឋអាមេរិក ផ្ដល់របាយការណ៍ថា តារាចម្រៀង និងអ្នកនិពន្ធបទចម្រៀង Taylor Swift កំពុងទាក់ទងគ្នាដោយសម្ងាត់ជាមួយកីឡាករបាល់ឱបអាមេរិកដែលមានវ័យស្របាលគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភព​បាន​អះអាង​ថា កីឡាកររូបនោះគឺ Travis Kelce ដែលជាប្រធានក្រុមបាល់ទាត់ជាតិ Kansas City នៃរដ្ឋ Kansas ។ ប្រភពមួយក៏បានប្រាប់ The Messenger ថា គូស្នេហ៍ទាំងពីរបានជួបគ្នានៅទីក្រុងញូវយ៉ក សហរដ្ឋអាមេរិក កាលពីប៉ុន្មានសប្តាហ៍មុន។

ពាក់ព័ន្ធព័ត៌មានចចាមអារ៉ាមនេះ Travis ធ្លាប់បញ្ជាក់​ លោកនិងបងប្រុសពិតជាធ្លាប់ទៅទីក្រុងញូវយ៉ក កាលពីថ្ងៃទី៣១ ខែសីហា ពិតមែន។ លុះពេលគេសួរអំពីសកម្មភាពរបស់លោកនៅទីនោះ Travis បានបង្វែរសំណួរ។

ប្រភព The Messenger ដដែលបន្ថែមថា មុនពេល Travis ហោះទៅញូវយ៉ក កីឡាកររូបនេះធ្លាប់បង្ហើបថាខ្លួនត្រៀមជូនកាដូជាខ្សែក ដល់ Taylor Swift និងព្យាយាមឱ្យលេខទូរសព្ទទៅនាង មុនពេលការប្រគំតន្ត្រីរបស់នាងចាប់ផ្ដើម។ មូលហេតុនេះទើបបានជាផ្ទុះពាក្យចចាមអារ៉ាមស្នេហាលួចលាក់រវាងអ្នកទាំងពីរ៕

ប្រែសម្រួល៖ សន្យា

ចុចអាន៖ Taylor Swift ឈ្នះពានរង្វាន់ដល់ទៅ ៩ ពីកម្មវិធី VMAs ម្សិលមិញ