បង្ហោះ Pre-Wedding ថ្ងៃមុន ថ្ងៃនេះ Gypsy និងគូស្នេហ៍បរទេសចូលរោងការហើយ

កាលពីពីរសប្ដាហ៍មុន តារាសម្ដែង Gypsy និងគូស្នេហ៍បរទេស បានដឹកដៃគ្នាថត Pre-Wedding យ៉ាងរ៉ូមែនទិកនៅមាត់សមុទ្រ ខណៈថ្ងៃនេះគូស្នេហ៍ពួកគេបានបណ្ដើរគ្នាចូលរោងជ័យតាមប្រពៃណីយ៉ាងសាមញ្ញបំផុត។

នៅព្រឹកថ្ងៃទី២១ ខែកញ្ញា ឆ្នាំ២០២៣ តារា​ស្រីនិយមតែខ្លួនសិច​ស៊ី Gypsy Keerati និង​មិត្ត​ប្រុស​បរទេស Nicholas Haw បាន​ដឹកដៃគ្នាចូល​រោង​ការជាផ្លូវការ ជាមួយសាច់ញាតិ និងមិត្តភក្តិជិតស្និទ្ធចូលរួមអបអរសាទរ ប្រកបដោយភាពកក់ក្ដៅ។ ថ្វីត្បិតសាមីខ្លួនមិនទាន់បញ្ចេញរូបអាពាហ៍ពិពាហ៍ផ្លូវការណាមួយ ប៉ុន្តែតាមរយៈគណនី Instagram របស់ប្អូនស្រី Gypsy បង្ហាញថា កូនកម្លោះ-ក្រមុំ ពិតជាមានទឹកមុខរីករាយ ហាក់មានសុភមង្គលជាខ្លាំង។

ជាមួយគ្នានោះ គេបានដឹងថា ពិធីអាពាហ៍ពិពាហ៍របស់ Gypsy និងគូស្នេហ៍ បានរៀបចំលក្ខណៈតូចមួយ ថែមទាំងមានភាពសាមញ្ញទៀតផង។ ការប្រារព្ធពិធីរបស់ពួកគេធ្វើឡើងតែជាមួយក្រុមគ្រួសារ និងមិត្តជិតដិតប៉ុន្មាននាក់ប៉ុណ្ណោះ៕

ប្រែសម្រួល៖ សន្យា

ចុចអាន៖ Rosé ជាសមាជិក BLACKPINK តែម្នាក់គត់ ដែលបន្តកុងត្រាជាមួយ YG