ជីវិតកម្សាន្ដ

Anne ណែនាំវិធីហាត់ប្រាណ លាក់អាយុពិត

បានផុស

២ years មុន

នៅ

ថ្ងៃពុធ ២៧ កញ្ញា ២០២៣

ដោយ

Anne Thongprasom ត្រូវបានទស្សនិកជនចាត់ទុកថា ជាតារាស្រីមានទេពកោសល្យជាច្រើន និងគួរជាទីពេញចិត្តរបស់អ្នកគាំទ្ររឿងភាគថៃ ខណៈដែលនាងជាមនុស្សពូកែគ្រប់គ្រងជីវិតប្រកបដោយគុណភាព ត្បិតថាឈានដល់វ័យ ៤៦ឆ្នាំ ក្ដី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិនថាការងារក្នុងឧស្សាហកម្មកម្សាន្ត ការងារជំនួញ ឬក៏ទៅហាត់ប្រាណដើម្បីថែរក្សាសុខភាព Anne អាចបែងចែកពេលវេលាយ៉ាងល្អឥតខ្ចោះ។ រហូតដល់ថ្នាក់ មហាជនជាច្រើនហាក់ងឿយឆ្ងល់នឹងសម្រស់មិនព្រមចាស់របស់នាងយ់ាងខ្លាំង។

ស្របពេលដែលនាពេលថ្មីៗនេះ រៀមច្បង Anne បានឆ្លៀតឱកាសប្រើប្រាស់ Space នៅលើ Instagram ដើម្បីចែករំលែកកម្មវិធីថែទាំខ្លួនឯងដ៏សាមញ្ញមួយ រួមទាំងប្រាប់ពីគុណសម្បត្តិនៃការហ្វឹកហាត់ទម្ងន់។ សម្រាប់អ្នកគាំទ្រដែលតាមដានតំបន់ប្រព័ន្ធផ្សព្វផ្សាយសង្គម ប្រាកដជាដឹងថានាងបានអនុវត្តវាដោយខ្លួនឯង ដើម្បីរាងស្អាតបែបនេះ ដោយមិនចាំបាច់ខ្វល់ពីអាយុប៉ុន្មានឡើយ។

ក្នុងនោះនាងបាននិយាយផងដែរថា “យើងកាន់តែចាស់ មនុស្សស្រីដូចពួកយើងនឹងកាន់តែទន់ជ្រាយ។ ប៉ុន្តែសាច់ដុំនឹងជួយរក្សារូបរាង ហើយរូបរាងរបស់យើងគឺល្អណាស់។ ប្រសិនបើអ្នកអនុវត្ត និងធ្វើវាឲ្យបានទៀងទាត់។ ពីអ្វីដែល Ann ធ្លាប់និយាយជាមួយស្ត្រី។ មនុស្សភាគច្រើនមិនចូលចិត្តកីឡាប្រភេទនេះទេ។ មនុស្សជាច្រើននៅពេលដែលពួកគេឮថា ពួកគេត្រូវធ្វើឲ្យសាច់ដុំឡើង ប្រហែលជាមានអារម្មណ៍ថាធុញ។ ក្នុងនាមជាមនុស្សស្រី វាពិបាកណាស់សម្រាប់យើងក្នុងការមានសាច់ដុំធំៗដូចមនុស្សប្រុស (លើកលែងតែការចូលកម្មវិធីហាត់ប្រាណ)។ តែយ៉ាងណាសាច់ដុំនៅតែជួយរាងកាយយើងលាក់បាំងអាយុពិត។

លើសពីនេះទៀត តារាសម្ដែងរូបនេះបានប្រាប់បន្ថែមទៀត អត្ថប្រយោជន៍សំខាន់នៃការហ្វឹកហាត់ទម្ងន់ នឹងជួយធ្វើឲ្យសាច់ដុំរបស់អ្នកកាន់តែរឹងមាំ វាធ្វើឲ្យចលនារបស់យើង និងប្រភេទនៃការធ្វើលំហាត់ប្រាណផ្សេងទៀតអភិវឌ្ឍ។
ធ្វើឲ្យប្រសើរឡើងនូវចលនារួមគ្នា, ជួយជំរុញម៉ាសឆ្អឹងឲ្យកាន់តែក្រាស់ ឬជួយកាត់បន្ថយការបាត់បង់ឆ្អឹង។ ប្រសិនបើបរិមាណសាច់ដុំកើនឡើង វានឹងនាំឲ្យរាងកាយមានការរំលាយអាហារថាមពលមូលដ្ឋានកាន់តែប្រសើរឡើង។ ធ្វើឲ្យរាងកាយដុតបំផ្លាញថាមពល និងជាតិខ្លាញ់កាន់តែច្រើន។

Anne ក៏បានណែនាំកម្មវិធីចំនួន ៣ ដែលគួរដាក់បញ្ចូលក្នុងកាលវិភាគហាត់ប្រាណក្នុងមួយសប្តាហ៍៖១. ដើរ ឬរត់ ២. ឡើងទម្ងន់ ៣. យូហ្គា៕