ជីវិតកម្សាន្ដ

ហង្ស សុជាតា អំពាវនាវដល់កូនខ្មែរគ្រប់រូប ការពារមរតកដូនតា ប្រឆាំងការលួចចម្លង

បានផុស

៣ years មុន

នៅ

ថ្ងៃសៅរ៍ ៣០ កញ្ញា ២០២៣

ដោយ

ជាថ្មីម្តងទៀត តារាចម្រៀង ហង្ស សុជាតា បានចេញមកបំផុស និងអំពាវនាវសូមឲ្យកូនខ្មែរគ្រប់រូបរួមគ្នាការពារមរតកដូនតា និងប្រឆាំងដាច់ខាតការលួចចម្លងប្រាសាទអង្គររបស់ជាតិខ្មែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បង្ហាញរូបភាពដែលស្ថិតនៅលើទឹកដីសៀមរាបអង្គរ តារាចម្រៀង ហង្ស សុជាតា បានលើកឡើងថា «ប្រាសាទអង្គរ ជាអត្តសញ្ញាណជាតិ ជាមរតកជាតិខ្មែរ គ្មានអ្នកណាអាចបំភ្លៃ និងយកជារបស់ខ្លួនបានទេ»។ តារាស្រីរូបនេះ បាននិយាយទៀតថា «ពូជអ្នកចម្បាំងការពារមរតកដូនតា ប្រាសាទអង្គរ ជាដួងព្រលឹងជាតិខ្មែរ»។

នាងនិយាយបន្តថា «យើងទាំងអស់គ្នាជាកូនខ្មែរ សូមចូលរួមការពារទឹកដី និងមរតកជាតិខ្មែរ ប្រឆាំងដាច់ខាតការលួចចម្លងប្រាសាទអង្គរដ៏បវរ នៃយើងជាខ្មែរ និងឲ្យកូនខ្មែរបានបញ្ជាក់បន្ថែមទៅកាន់សកលលោកថា ប្រាសាទអង្គររបស់ពិតជារបស់ខ្មែរតែមួយគត់ កុំឲ្យអ្នកចម្លងហ្នឹងបានដៃពេក»។

អ្នកនាង ហង្ស សុជាតា បានបញ្ជាក់ដែរថា «ប្រាសាទអង្គរវត្តដួងព្រលឹងជាតិខ្មែរខ្ញុំអើយ សូមបារមីសក្ដិសិទ្ធិដែលតាមថែអង្គរ សូមថែអង្គរដែលឈរមាំ និងស្រស់ស្អាតបែបនេះជាអមតដោយគ្មានអ្នកណាមកកាឡៃបាន»។

នាងបន្ថែមថា ប្រាសាទអង្គរ មានអាយុកាលរាប់រយឆ្នាំ ទូទាំងសកលលោកគេឲ្យតម្លៃ និងថែរក្សា អភិរក្ស។ អង្គរវត្តរបស់ខ្មែរពិតមានតែមួយនៅក្នុងប្រទេសកម្ពុជាតែមួយគ្មានពីរ៕

អត្ថបទ ៖ ចាន់រ៉ា