ស៊ីន យូប៊ីន ទទួលបានពានរង្វាន់កិត្តិយសមួយទៀតនៅសាំងហ្គាពូរ

តារាសម្តែងរបស់កម្ពុជាកញ្ញា ស៊ីន យូប៊ីន បានសម្តែងក្តីរំភើបខ្លាំងក្រោយពីទទួនបានពាន់រង្វាន់កិត្តិយស “Shining international award“ ក្នុងកម្មវិធី Hall of fame in Singapore 2023 ឬ HOFS ឯទឹកដីសាំងហ្គាពូរ។ នេះជារឿងដែលគួរឲ្យស្ញើចសរសើរ និងអបអរចំពោះតារាស្រី យូប៊ី ដែលជាតារាខ្មែរដ៏លេចធ្លោខ្លាំងនៅលើឆាកអន្តរជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភាពជោគជ័យរបស់តារាស្រីកូនកាត់កញ្ញា ស៊ីន យូប៊ីន ពេលនេះ គឺកើតចេញពីការតាំងចិត្តខ្ពស់ការតស៊ូរជំនះរាល់ឧបសគ្គដែលទទួលបានការលើកទឹកចិត្ត និងគាំទ្រពីមហាជនទូទៅ។ រឿងដែលស្ញើចសសើរទៀតនោះនាងក៏ជាតារាវ័យក្មេងដែលមានហាងឆេងខ្ពស់សម្រាប់ទីផ្សាភាពយន្តបច្ចុប្បន្ន។

ក្នុងពេលទទួលបានពានរង្វាន់នេះ ស្រីស្អាត ស៊ីន យូប៊ីន បានបង្ហាញក្ដីរំភើបរីករាយយ៉ាងខ្លាំងដែលទទួលបានពានរង្វាន់​ពីកម្មពិធីមួយនេះ ខណ:អំឡុងពេលនោះក៏មានវត្តមានដៃគូសម្ដែងរបស់នាង គឺលោក Paing Takhon ទៅទទួលពានរួមគ្នាទៀតផង។ កញ្ញា ស៊ីន យូប៊ីន ក៏បានថ្លែងការអរគុណដល់ប្រជាជនកម្ពុជារាប់លាននាក់ដែលបានគាំទ្រនាងដើម្បីសម្រេចបាននូវគោលដៅកន្លងមកក៏ដូចពេលនេះ។

កន្លងមកកញ្ញា ស៊ីន យូប៊ីន ត្រូវបានគេដឹងថា នាជាតារាស្រីដែលមានរូបសម្រស់ស្រស់ស្អាត និងមានសមត្ថភាពនៅក្នុងការងារសម្តែងទាំងប្រភេទរឿងភាគ រឿងដុំ ថតបទចម្រៀង និងការផ្សាយពាណិជ្ជកម្មជាដើម។ ដោយមិនត្រឹមតែជាតារាមានឈ្មោះល្បីកញ្ញា ស៊ីន យូប៊ីន ក៏មានភាពជោគជ័យខ្លាំងលើការងារជំនួញផ្ទាល់ខ្លួនទាំងក្មងវ័យស្ទើរតែមិនគួរឱ្យជឿ៕

អត្ថបទ៖ ចាន់រ៉ា