ជីវិតកម្សាន្ដ

ដួង សុខគា ឆ្លៀតបង្ហោះអប់រំដាស់តឿនរំឭកសីលធម៌ វប្បធម៌ អក្សរជាតិ ទោះជាដឹងពុំសូវមានអ្នកខ្វល់

បានផុស

៣ years មុន

នៅ

ថ្ងៃសៅរ៍ ២៨ តុលា ២០២៣

ដោយ

មហាជនអ្នកគាំទ្រសង្កេតឃើញថា តារាប្រុសពហុជំនាញលោក ដួង សុខគា តែងចេញសារមានចេតនាដាស់តឿនអារម្មណ៍កូនខ្មែរ ក៏ដូចជាអ្នកនិយមប្រើប្រាស់បណ្ដាញសង្គមហ្វេសប៊ុកទាំងអស់ ត្រូវចូលរួមថែរក្សាវប្បធម៌ សីលធម៌ ភាសាជាតិ អក្សរជាតិ ដោយគោរព និងឲ្យបានគង់វង្សក្នុងតម្លៃខ្ពស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិត ពុំមែនទើបលើកទី ១ ទេ ដែលតារាប្រុសលោក ដួង សុខគា តែងតែចេញមុខបំផុសស្មារតីដល់យុវជនជាកូនខ្មែរគ្រប់រូប ត្រូវនាំគ្នាចូលរួមថែរក្សាតម្លៃវប្បធម៌ អរិយធម៌ ភាសាជាតិ អក្សរជាតិ ជាកេរដំណែលមរតកដូនតាខ្មែរ កន្លងមកលោកក៏បានបញ្ចេញសារជាបន្តបន្ទាប់ ស្នើមហាជនគ្រប់រូបចូលរួមយុទ្ធនាការប្រើភាសាជាតិដោយការស្រលាញ់ និងទទួលខុសត្រូវ។

រឿងដែលចាប់អារម្មណ៍ថែមទៀត លោក ដួង សុខគា បានបញ្ជាក់ថា «សព្វថ្ងៃ ខ្ញុំឆ្លៀតបង្ហោះ អប់រំ ដាស់តឿ ន រំឭកសីលធម៌ខ្លះ វប្បធម៌ខ្លះ អក្សរជាតិខ្លះ ទោះជាដឹងថាគេមិនសូវខ្វល់រវល់ ថែមទាំងមានអ្នកខ្លះចេញមកមានចរិតកាច់បំបាក់ ក៏ខ្ញុំនៅតែស៊ូទ្រាំ»។

តារាពហុជំនាញលោក ដួង សុខគា បន្ថែមថា «ហ៊ឺ…!គិតសព្វៗ ទៅ ខ្ញុំដូចជាអត់បានអ្វីមកវិញផង អ្នកទាញឡើងតិច អ្នករុញចុះច្រើន អ្នកស្ងៀមឈឹង ៥០ ភាគរយ តាមហ្នឹងទៅ មើលរឿងវិញ ផេកតួឯកកំពុងល្បី»។