ជីវិតកម្សាន្ដ

អ្នកគាំទ្រព្រួយបារម្ភអតីតគូស្នេហ៍ Jisoo-Ahn Bohyun ក្រោយបែកគ្នា ម្នាក់ស្ងាត់ ម្នាក់ទៀតកាន់តែស្គម

បានផុស

១ year មុន

នៅ

ថ្ងៃសុក្រ ៣ វិច្ឆិកា ២០២៣

ដោយ

នេះជាដំណឹងដ៏គួរឲ្យភ្ញាក់ផ្អើលយ៉ាងខ្លាំង ក្រោយប្រព័ន្ធផ្សព្វផ្សាយកូរ៉េបានរាយការណ៍កាលពីថ្ងៃទី២៤ ខែតុលាថា Jisoo សមាជិកក្រុម BLACKPINK និងតារាសម្ដែង Ahn Bo-hyun បានសម្រេចបែកគ្នាដោយសារតែការងាររវល់រៀងៗខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះផងដែរ ខាងផលិតកម្ម YG Entertainment ភ្នាក់ងាររបស់ BLACKPINK ក៏បានចេញមុខបញ្ជាក់ពី មូលហេតុដែលពួកគេបែកបាក់គ្នាគឺថា “វាជាការពិតដែល Jisoo និង Ahn Bohyun បែកគ្នា ដោយសារតែរវល់ការងាររកពេលឲ្យគ្នាមិនបាន”។

យ៉ាងណាក៏ដោយកាលពីពេលថ្មីៗនេះ អ្នកគាំទ្រមានការព្រួយបារម្មណ៍ចំពោះគូស្នេហ៍មួយគូនេះ នៅពេលដែលគេកត់សម្គាល់ឃើញថា Ahn Bo Hyun បានស្ងប់ស្ងាត់តាំងពីមានដំណឹងបែកបាក់ជាមួយ Jisoo។ ជាធម្មតាលោកតែងតែអាប់ដេតបណ្តាញសង្គមឲ្យអ្នកគាំទ្របានឃើញ។ ការបង្ហោះចុងក្រោយរបស់ Ahn Bo Hyun គឺចាប់ពីថ្ងៃទី ០៧ ខែតុលា ជិតមួយខែពេញចាប់តាំងពីប្រេះឆាស្នេហា។

ចំណែកឯ Jisoo វិញ អ្នកគាំទ្របាននិយាយថានាងមើលទៅស្គមជាងមុន ហើយស្នាមញញឹមក៏មិនស្រស់ថ្លាដូចពីមុនដែរ។ ដែលនេះជាអ្វីធ្វើឲ្យអ្នកគាំទ្ររបស់ពួកគេមានការព្រួយបារម្ភយ៉ាងខ្លាំង ពីសុខទុក្ខរបស់អ្នកទាំងពីរ។ ត្បិតគូនេះមិនបានបង្ហាញពីភាពរីករាយដល់ទស្សនិកជនដូចពីមុនទៀតឡើយ៕