YG ​បញ្ជាក់ច្បាស់ៗ​ ពីការបង្ហាញ​ខ្លួន​ដំបូង​របស់ BABYMONSTER ក្នុងខែនេះ

កាលពីថ្ងៃទី ០៩ ខែវិច្ឆិកា ផលិតកម្ម YG Entertainment បានបង្ហាញរូបភាព Teaser ជាមួយនឹងសញ្ញាពណ៌ក្រហមនៅលើ asphalt រួមជាមួយនឹងកាលបរិច្ឆេទចេញលក់របស់ BABYMONSTER ដែលនឹងធ្វើឡើងនៅថ្ងៃទី ២៧ ខែវិច្ឆិកា (ម៉ោងKST)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រមជាមួយគ្នានោះផលិតកម្ម YG Entertainment បាននិយាយថាយ៉ាងដូច្នោះថា “យើង​ប្រយ័ត្ន​ក្នុង​ការ​ជ្រើសរើស​បទ​ចម្រៀង​បើក។ គោលបំណងគឺដើម្បីផ្តល់នូវលទ្ធផលល្អបំផុត។ យើងសុំការយោគយល់របស់អ្នកគាំទ្រ ទាក់ទងនឹងការពន្យារពេលបន្តិច។”

នៅក្នុងការអាប់ដេតចុងក្រោយបំផុត គេដឹងថាសមាជិក BABYMONSTER ម្នាក់ៗកំពុងពង្រឹងការហាត់សមក្បាច់រាំសម្រាប់ការសម្តែងលើកដំបូង។ ហើយវាត្រូវបានគេនិយាយថា ពួកគេបានធ្វើការដោយមិននឿយហត់ មិនសម្រាកដើម្បីតែចេញបទដំបូងដោយជោគជ័យផងដែរ។

មកដល់ពេលនេះ ទស្សនិកជនមានតែប​ន្តរង់ចាំព័ត៌មានថ្មីៗអំពីសមាជិកក្រុម BABYMONSTER! ថានឹងមកដល់ដូចដែលខាងផលិតកម្មបញ្ចាក់ឬត្រូវពន្យារពេលទៀតយ៉ាងណា។

សូមបញ្ចាក់ដែរថា ផលិតកម្ម YG ធ្លាប់និយាយថា សមាជិកចំនួន ៧នាក់ក្នុងក្រុមចម្រៀងនារីថ្មី Baby Monster នឹងបង្ហាញខ្លួនជាលើកដំបូងនៅខែកញ្ញា​ ក៏ដូចជារដូវស្លឹកឈើជ្រុះ។ ក្រោយមកស្រាប់តែខាង YG សុំពន្យារពេលវិញដោយយកហេតុផលថាមិនទាន់ត្រៀមលក្ខណៈគ្រប់គ្រាន់៕

ប្រែសម្រួល៖ សាង ស្រីល័ក្ខ

ចុចអាន៖Nonkul សារភាពថា លោកពិតជាមានទំនាក់ទំនងស្នេហាជាមួយ Aff ពិតប្រាកដមែន