ជីវិតកម្សាន្ដ

កូនប្រុសយាយអឿន បញ្ជាក់ គ្រួសារមានលទ្ធភាពគ្រប់គ្រាន់ព្យាបាលម្តាយ មិនបានលើកដៃសុំជំនួយទេ

បានផុស

១ year មុន

នៅ

ថ្ងៃព្រហស្បតិ៍ ៣០ វិច្ឆិកា ២០២៣

ដោយ

កាលពីថ្មីៗមុននេះ អ្នកគាំទ្រមានក្តីព្រួយបារម្ភ បន្ទាប់ពីដឹងថាតារាកំប្លែងជើងចាស់ លោកយាយ អឿន ត្រូវបានក្រុមគ្រួសារបញ្ជូនចូលសង្គ្រោះបន្ទាន់នៅមន្ទីរពេទ្យកាល់ម៉ែត ក្រោយដួលបាក់ឆ្អឹងត្រគាក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈដំណឹងនេះដែរគេឃើញមានមហាជន និងសិល្បករ-សិល្បការិនីខ្មែរមួយចំនួន បានសួរសុខទុក្ខ និងជូនពរលោកយាយ អឿន ឆាប់បានជាសះស្បើយពីជំងឺទៀតផង។ ប៉ុន្តែរឿងដែលហួសចិត្តសម្រាប់ក្រុមគ្រួសារតារាកំប្លែងជើងចាស់រូបនេះ បែរជាមានការលើកឡើងពីបុគ្គលមួយចំនួនថា អ្នកសិល្បៈឲ្យតែជួបរឿងឈឺចូលពេទ្យចៀសមិនផុតពីការលើកដៃសុំជំនួយឡើយ។

ដើម្បីបញ្ចៀសចំពោះការយល់ច្រឡំ ឬមតិមិនល្អបែបនេះ កូនប្រុសបង្កើតតារាកំប្លែងយាយ អឿន បានប្រតិកម្មដោយបញ្ជាក់ថា គ្រួសារលោកមានលទ្ធភាពគ្រប់គ្រាន់ក្នុងការព្យាបាលម្តាយហើយ ពោលគឺមិនបានលើកដៃសុំជំនួយទេ។ កូនប្រុសយាយ អឿន បានលើកឡើងថា «គ្រួសារយើងខ្ញុំ មានលទ្ធភាពគ្រប់គ្រាន់ក្នុងការព្យាបាលម្តាយលំដាប់ VIP នៅមន្ទីរពេទ្យកាល់ម៉ែតហើយ យើងខ្ញុំមិនបានលើកដៃសុំជំនួយពីបងប្អូនណាទេ»។

ម្ចាស់គណនីឈ្មោះ ជ័រ សុជាតិ បានបន្តថា «សូមកុំមានការយល់ច្រឡំថាឲ្យតែអ្នកសិល្បៈឈឺចង់បានជំនួយនោះ គិតខុសហើយអាពៅមាស ចាយលុយខ្លួនឯងហើយ មិនចង់ឲ្យគេម៉ៃឈប់បានឈប់ទៅបង Page ដែលឆ្លៀតឱកាសយករូបម្តាយខ្ញុំទៅរកស៊ីនោះ។ សរសេរប៉ុណ្ណឹងញាក់នៅអាក្អូន តិចមើលអត់ដាច់ សូមថ្លែងអំណរគុណដល់សមាគមសិល្បៈ និងមន្ទីរពេទ្យកាល់ម៉ែត ដែលបានយកចិត្តទុកដាក់ចំពោះអ្នកម្ដាយខ្ញុំ»៕

អត្ថបទ ៖ ចាន់រ៉ា