ជីវិតកម្សាន្ដ

ខាត់ វៃហាំង មោទនភាពបានពានតារាសម្ដែងឆ្នើមពីប្រទេសថៃ

បានផុស

៣ years មុន

នៅ

ថ្ងៃព្រហស្បតិ៍ ៣០ វិច្ឆិកា ២០២៣

ដោយ

តារាសម្ដែងប្រុសសង្ហារបស់កម្ពុជាលោក ខាត់ វៃហាំង បានសម្តែងក្តីរំភើបខ្លាំងក្រោយពីទទួលបានពាន់រង្វាន់តារាប្រុសដែលកំពុងមានប្រជាប្រិយភាពខ្លាំងពីកម្មវិធី Global Leadership Summit 2023 កាលពីថ្មីៗកន្លងមកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់លោក ខាត់ វៃហាំង ក្នុងនាមជាតារាសម្តែងតែម្នាក់គត់ដែលតំណាងឱ្យសិល្បកររបស់កម្ពុជាចូលរួម និងទទួលបានពានរង្វាន់ជាតារាប្រុសដែលកំពុងមានប្រជាប្រិយភាពខ្លាំងពីកម្មវិធី Global Leadership Summit 2023 នៅឯប្រទេសថៃ។ នេះជារឿងដែលគួរឱ្យស្ងើចសរសើរ និងអបអរចំពោះលោក វៃហាំង ដែលជាតារាខ្មែរដ៏លេចធ្លោខ្លាំងនៅលើឆាកអន្តរជាតិ។

ភាពជោគជ័យរបស់តារាសម្ដែងមានប្រជាប្រិយភាពលោក ខាត់ វៃហាំង ពេលនេះ គឺកើតចេញពីការតាំងចិត្តខ្ពស់ ការតស៊ូ ជម្នះរាល់ឧបសគ្គដែលទទួលបានការលើកទឹកចិត្ត និងគាំទ្រពីមហាជនទូទៅ ។ អ្វីដែលស្ងើចសរសើរទៀតនោះ លោកក៏ជាតារាវ័យក្មេងដែលមានហាងឆេងខ្ពស់សម្រាប់ទីផ្សារភាពយន្តបច្ចុប្បន្ន។

អំឡុងពេលទទួលបានពានរង្វាន់ លោក ខាត់ វ៉ៃហាំង បានបង្ហាញក្ដីរំភើបរីករាយយ៉ាងខ្លាំងដែលទទួលបានពានរង្វាន់ពីកម្មពិធីមួយនេះ ខណៈលោកលើកឡើងថា “ខ្ញុំបាទ ខាត់ វ៉ៃហាំង មានមោទកភាពក្នុងនាមជាតារាសម្តែងតែម្នាក់គត់ដែលតំណាងអោយសិល្បកររបស់កម្ពុជាចូលរួម និងទទួលបានពានរង្វាន់ជាតារាប្រុសដែលកំពុងមានប្រជាប្រិយភាពខ្លាំងពីកម្មវិធី Global Leadership Summit 2023“។

កន្លងមកលោក ខាត់ វ៉ៃហាំងត្រូវបានគេដឹងថា លោកក៏ជាតារាប្រុសដែលមានរូបរាងស្រស់សង្ហា និងមានសមត្ថភាពនៅក្នុងការងារសម្ដែងទាំងប្រភេទរឿងភាគ, រឿងដុំ ថតបទចម្រៀង និងការផ្សាយពាណិជ្ជកម្មជាដើម។ លោកជាដៃគូសម្ដែងដ៏សាកសមជាមួយតារាមានឈ្មោះល្បី កញ្ញា ស៊ីន យូប៊ីន ទៀតផង៕

អត្ថបទ៖ ចាន់រ៉ា