តារាសម្ដែងកម្ពុជា ២ រូប ឈ្នះពាន popular actress of the year ពីកម្មវិធី Asia Top Award 2023

ជា​រឿង​ដ៏​រំភើប និង​ត្រេកអរ​ខ្លាំង​ណាស់ សម្រាប់​តារា​សម្ដែង​របស់​កម្ពុជា ២ រូប ដោយ​ក្នុង​នោះ​គឺ​មាន​ស្រី​ស្អាត ស៊ីន យូប៊ីន និង​កំលោះ​សង្ហា ខាត់ វ៉ៃហាំង ដែល​អ្នក​ទាំងពីរ​ទើប​ទទួល​បាន​ការ​ឈ្នះ​ពានរង្វាន់ popular actress of the year ពី​កម្មវិធី Asia Top Award 2023 នៅ​ប្រទេស​ថៃ។

បន្ទាប់ពី​ទទួល​ដំណឹង នៃ​ការ​ឈ្នះ​ពានរង្វាន់ popular actress of the year ពី​កម្មវិធី Asia Top Award 2023 នៅ​ប្រទេស​ថៃ នេះ​ដែរ ឃើញ​មាន​អ្នកគាំទ្រ​ជាច្រើន បាន​សម្ដែង​ក្ដី​រំភើប និង​ចូលរួម​អបអរ​ដល់​ពួកគេ​ទាំង ២ នាក់ ផង​ដែរ។ ចំណែក​សាមីខ្លួន បាន​បញ្ចេញ​ចំណាប់​អារម្មណ៍​យ៉ាង​រំភើប ក្រោយ​ទទួល​បាន​ពានរង្វាន់​ដ៏​អស្ចារ្យ​មួយ​នេះ។

កញ្ញា ស៊ីន យូប៊ីន បាន​ថ្លែង​ប្រាប់​ថា «ពានរង្វាន់​តារា​សម្ដែង​ស្រី​ដែល​មាន​ប្រជាប្រិយភាព​ប្រចាំ​ឆ្នាំ​(popular actress of the year) ផ្ដល់​ដោយ​កម្មវិធី ASIA TOP AWARD 2023 ពី​ប្រទេស​ថៃ។ ជោគជ័យ​ថ្ងៃ​នេះ មិនមែន​សម្រាប់​តែ Yubin ប៉ុន្តែ​សម្រាប់​ប្រជាជាតិ​កម្ពុជា​ទាំងមូល សូម​ចូលរួម​សាទរ​ជាមួយ Yubin ទាំងអស់​គ្នា proud to be Khmer»។

លោក ខាត់ វ៉ៃហាំង ក៏បាន​និយាយ​ដែរ​ថា «ទាំងនេះ​បាន​មកពី​អ្នកគាំទ្រ​ទាំងអស់​គ្នា អគុណ​ដែល​បាន​ផ្ដល់​កម្លាំង​ចិត្ត​ឲ្យ​ពួក​យើង ,We got popular actor andactressfrom AsiaTop Award 2023»។

ក្នុង​នោះ ក៏​មាន​ការ​អបអរសាទរ​ទៅកាន់​តារា​សម្ដែង​ស្រី​ប្រុស​របស់​ប្រទេស​កម្ពុជា គឺ លោក Khat Vaihang និង កញ្ញា Shin Yubin ស៊ីន យូប៊ីន ដែល​បាន​ឈ្នះ​ពានរង្វាន់ popular actor and actress ពី​កម្មវិធី Asia Top Award 2023 នៅ​ឯ​ប្រទេស​ថៃ៕

អត្ថបទ ៖ ចាន់រ៉ា