អ្នកគាំទ្រសង្ស័យថា Cheer និងមិត្តប្រុសហៃសូ ត្រូវរ៉ូវគ្នាវិញ ក្រោយលេចមុខក្នុងថ្ងៃកំណើត

អ្នកគាំទ្រជាច្រើនហាក់បង្ហាញការសង្ស័យជាខ្លាំងថា​ Cheer Thikumporn អាចត្រលប់មកត្រូវរ៉ូវគ្នាជាមួយនឹងអ្នកជំនួញហៃសូវិញ បន្ទាប់ពីតារាសម្ដែងស្រីរូបនេះបាន Surprise ខួបកំណើតឲ្យអតីតមិត្តប្រុស Hi-So Big Bencharongkul។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយលេចឮ​ដំណឹង​បែក​គ្នា​របស់​គូស្នេហ៍ដែលមហាជនតែងទន្ទឹងរង់ចាំថ្ងៃមង្គល វាបានធ្វើឲ្យមនុស្សគ្រប់គ្នាមានការ​ភ្ញាក់​ផ្អើលយ៉ាងខ្លាំង សឹងមិនជឿថានេះគឺជាព័ត៌មានពិតឡើយ។ នេះក៏ដោយសារតែមួយគូនេះ គឺបានសាងទំនាក់ទំនងជាមួយគ្នាអស់រយៈពេលជាង៤ឆ្នាំហើយ។

ទោះ​បី​ជា​ពួក​គេ​ផ្លាស់​ប្តូរ​ពី​គូស្នេហ៍​ទៅ​ជា​មិត្ត​ភាព​ក៏​ដោយ ប៉ុន្តែ​អ្នកគាំទ្រ​នៅតែ​សង្ឃឹម​ថា​គូស្នេហ៍មួយ​គូ​នេះ​នឹង​ត្រលប់​មក​វិញ​ម្តង​ទៀត​។ ក្រោយមកនៅយប់ថ្ងៃសៅរ៍ទី ១៦ ខែធ្នូឆ្នាំ ២០២៣ អ្នកជំនួញប្រុស Hi-So Big បានប្រារព្ធខួបកំណើតរបស់គាត់ជាមួយនឹងក្រុមមិត្តភ័ក្តិដិតដែលផ្តល់ការភ្ញាក់ផ្អើលក្នុងថ្ងៃខួបកំណើតយ៉ាងកក់ក្តៅ មិត្តភ័ក្តិបានចែករំលែកពេលវេលាដ៏គួរឲ្យចាប់អារម្មណ៍នៅលើ IG Story របស់ពួកគេរៀងៗខ្លួន។

ទោះយ៉ាងណាក៏ដោយក្នុងថ្ងៃខួបកំណើតរបស់ Hi-So Big​​ ដែលបង្ហាញរូបភាពផ្លុំនំខេកដ៏ធំមួយមហាជនជាច្រើននាំគ្នាចាប់អារម្មណ៍ថា ពិធីដ៏សំខាន់នេះមានវត្តមានរបស់អតីតមិត្តស្រី Cheer មកចូលរួមដែរ។ ក្រោយ​ពី​ផ្អាក​រឿង​ភ្ញាក់​ផ្អើល អ្នក​គាំទ្រ​ស្ថិត​ក្នុង​ភាព​ស្រពេចស្រពិល ខណៈ​ម្នាក់ៗសង្ស័យថាពួកគេអាចត្រលប់មកត្រូវរ៉ូវគ្នាវិញហើយែយ៉ាងណា?

ប៉ុន្តែ កាលពីកន្លងទៅថ្មីៗនេះ Mint ដែល​ជា​មិត្ត​ជិតស្និទ្ធ​របស់ Cheer បាន​ចេញ​មក​និយាយ​ក្នុង​កម្មវិធី Khao Sai Khai នៅ​ទូរទស្សន៍ Thairath TV ដោយទម្លាយ​មូលហេតុ​នៃ​ការ​បែកបាក់​ថា គាត់បានជួប Cheer ចុងក្រោយមុនពេលទៅប្រទេសជប៉ុន។ ​​វាដូចជាមនុស្សពីរនាក់រស់នៅជាមួយគ្នា ហើយមានអារម្មណ៍ថានៅពេលដែលពួកគេបានជួបគ្នា នៅចំណុចជាក់លាក់មួយដែលនឹងឈានទៅជំហានបន្ទាប់។ មិន​មែន​មក​ពី​ភាគី​ទី​បីណាដែលចូលមកបំបែកពួកគេទេ អត់​មាន​ទាល់​តែ​សោះ ពួក​គេ​ចុះ​សម្រុង​គ្នា​បាន​ល្អ​ណាស់។

ក្នុងនោះមិត្តរបស់ Cheer បាននិយាយបន្ថែមទៀតថា មានរឿងជាច្រើនដែលពួកគេឆ្លងកាត់ជាមួយគ្នា។ ពួកគេមិនដឹងថាពួកគេនឹងបន្តទៅថ្ងៃអនាគតដោយរបៀបណា? វា​មិន​មែន​អំពី​ការ​រៀប​ការ​ទេ គឺ​គេ​និយាយ​រឿង​មួយដែលមិនអាចប្រាប់អ្នកទាំងអស់គ្នា។ តាមពិតទៅ មនុស្សម្នាក់ៗមានកាតព្វកិច្ច និងគោលបំណងក្នុងជីវិតរៀងៗខ្លួន ហើយយើងនិយាយអំពីវា តើវាចប់ហើយឬនៅ? ពេលនោះអ្នកទាំងពីរកំពុងស្ថិតក្នុងអារម្មណ៍នៃការលើកទឹកចិត្តដ៏ភាពតានតឹង។ វាដូចជា​ ពួកគេលែងសក្តិសមជាមួយគ្នាទៀតហើយ។

យ៉ាងណាមិញ ដំណឹង​នៃ​ការ​បែក​គ្នានេះមិនអាចបង្ខំឲ្យភាគីណាម្នាក់និយាយចេញមកនោះទេ ទស្សនិកជនដែលគាំទ្រមានតែទុក​ពេលឲ្យពួកគេតែប៉ុណ្ណោះ។ ចំណែកឯងរឿង​មួយ​គូ​នេះ​នឹង​វិល​មក​វិញ​ឬ​អត់ យើងត្រូវរង់ចាំស្តាប់ពីមាត់របស់ពួកគេទាំងពីរនោះទេ៕

អត្ថបទ៖ សាង ស្រីល័ក្ខ

ចុចអាន៖​មុខ​ជំនួញ​របស់ Best ដែលជាកូន​ស្រី​អតីតអ្នកប្រដាល់ Somrak​ ពិតជាមិនធម្មតា

ចុចអាន៖មិត្តជិតស្និទ្ធទម្លាយមូលហេតុ​ដែល Cheer និងមិត្តប្រុសបែកគ្នា មិនមែនជនទី ៣