ជីវិតកម្សាន្ដ
បាត់មុខជិត ២០ ឆ្នាំ តួឯកស្រីរឿង “អ្នកប្រមាញ់ទីក្រុង”សល់ប្រាក់ប៉ុន្មានក្នុងដៃនាពេលនេះ?
ប្រិយមិត្តដែលនិយមតាមដានភាពយន្តហុងកុង ប្រាកដជាស្គាល់តារាសម្ដែងតៃវ៉ាន់ដ៏ល្បីល្បាញ Joey Wong ឬ Wang Tsu Hsien ក្នុងឧស្សាហកម្មកម្សាន្តមួយនេះមិនខាន។ នាងបានលេចមុខសម្ដែងក្នុងខ្សែភាពយន្តហុងកុងល្បីៗ និងជោគជ័យជាច្រើន ព្រមទាំងត្រូវទស្សនិកជនលើកសរសើរថា ជាតួឯកស្រីឈានមុខគេក្នុងវិស័យភាពយន្តអាស៊ីក្នុងទសវត្សរ៍ឆ្នាំ ១៩៩០។
ដ្បិតថាយ៉ាងនេះក្ដី ប៉ុន្តែនៅក្នុងឆ្នាំ ២០០៤ តួឯកស្រីក្នុងរឿង “អ្នកប្រមាញ់ទីក្រុង” រូបនេះ ស្រាប់តែប្រកាសបញ្ចប់អាជីពសិល្បៈ និងបាត់មុខអស់រយៈពេលជិត ២០ ឆ្នាំពីវិស័យភាពយន្ដជាហេតុធ្វើឲ្យមហាជន និងអ្នកគាំទ្រហាក់មានការនឹករលឹកនិងសោកស្ដាយជាខ្លាំង ខណៈមានមនុស្សជាច្រើនស្នើសុំឲ្យនាងវិលត្រលប់មកសម្ដែងក្នុងរឿងនានា ឬជួបជុំសម្ដែងរួមគ្នាជាមួយតារាល្បីៗមានវ័យស្រករៗឡើងវិញផងដែរ។
ក្រោយមកស្រាប់តែលេចឮដំណឹងថា តារាសម្ដែងស្រីជើងចាស់តៃវ៉ាន់ Joey Wong ត្រូវបានគេប្រទះឃើញនៅវិហារមួយកន្លែងនៅប្រទេសកាណាដា និងតុបតែងខ្លួនដូចជាដូនជីដើម្បីរក្សាទានសីល ស្របពេលដែលរូបភាពរបស់នាងនៅតែទទួលការចាប់អារម្មណ៍យ៉ាងភ្លូកទឹកភ្លូកដីពីបណ្ដាញអ៊ីនធើណេតដដែល។
មែនទែនទៅ ថ្វីបើមិនសម្ដែងឬមិនមានការងារជាអ្នកសិល្បៈដូចកាលពីមុន តែទ្រព្យសម្បត្ដិរបស់តារាស្រី Joey Wong ត្រូវបានរាយការណ៍ថា មានចំនួនច្រើនខ្លាំងដែលធ្វើឲ្យនាងអាចរស់បានយ៉ាងសុខស្រួលពេញមួយជីវិត ដោយមិនចាំបាច់បារម្ភពីការខ្វះខាតប្រាក់ឡើយ។
យោងតាមប្រភពពី idolnetworth បានបញ្ចាក់ឲ្យដឹងថា ក្នុងឆ្នាំ២០២៣ ទ្រព្យសម្បត្តិរបស់នាងត្រូវគេប៉ាន់ស្មានថាមានចំនួន ៥ លានដុល្លារឯណោះ។ ហើយទ្រព្យនេះទៀតសោត ក៏អាចធ្វើឲ្យនាងប្រើជីវិតបែបឯកជនយ៉ាងស្ងប់សុខ ដោយមិនខ្វល់ពីអាជីពសិល្បៈនៅខាងក្រៅទៀតទេ។
ប្រភពដដែលបានបញ្ចាក់ទៀតថា តារាស្រីមកពីតៃវ៉ាន់រូបនេះ អាចរកលុយបានច្រើនដោយសារតែនាងមានទាក់ទាញពីទស្សនិកជនជាមួយនឹងទេពកោសល្យពិសេស និងការសម្តែងដ៏ទាក់ទាញពេញមួយអាជីព។ នាងក៏ត្រូវបានគេស្គាល់ថាមានជំនាញសម្ដែងដ៏ប៉ិនប្រសប់ និងវត្តមានលើអេក្រង់ដ៏គួរឲ្យចាប់អារម្មណ៍មិនជិនណាយផងដែរ។
លើសពីនេះទៀត Joey Wong ទទួលបានភាពជោគជ័យគួរឲ្យកត់សម្គាល់នៅក្នុងឧស្សាហកម្មភាពយន្ត ជាមួយនឹងតួនាទីដែលទទួលបានការសរសើរជាច្រើនចំពោះកេរ្ត៍ឈ្មោះ នាងទទួលបានអ្នកគាំទ្រយ៉ាងច្រើនទាំងនៅក្នុងប្រទេសកំណើត និងអន្តរជាតិ។ ជាមួយនឹងទេពកោសល្យដ៏អស្ចារ្យ និងអាជីពដែលរកកម្រៃបាន វាមិនមានអ្វីភ្ញាក់ផ្អើលទេដែលទ្រព្យសម្បត្តិសុទ្ធរបស់ Joey Wong បន្តកើនឡើងជាលំដាប់ឥតឈប់ឈរនោះ៕
អត្ថបទ៖ សាង ស្រីល័ក្ខ
ចុចអាន៖តារា៤គូ ធ្លាប់ស្រលាញ់គ្នាខ្លាំងក្រោយសម្ដែងភាពយន្ត តែបែរប្រកាសប្រេះឆាមើលមុខគ្នាលែងត្រង់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ