ជីវិតកម្សាន្ដ

អតីតតារាជប៉ុនមួយរូបត្រៀមវិលចូលវិស័យសិល្បៈ ក្រោយបាត់ខ្លួន៨ឆ្នាំពាក់ព័ន្ធគ្រឿងញៀន

បានផុស

៣ years មុន

នៅ

ថ្ងៃព្រហស្បតិ៍ ៤ មករា ២០២៤

ដោយ

តារាសម្ដែងជប៉ុនលោក Hiroki Narimiya បាននិងកំពុងត្រៀមខ្លួនវិលមកកាន់សិល្បៈវិញ បន្ទាប់ពីលោកចាកចេញពីអាជីពមួយនេះអស់រយៈពេល៨ឆ្នាំ ដោយសារតែរឿងអាស្រូវគ្រឿងញៀនផ្អើលប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ត្រលប់ទៅឆ្នាំ ២០១៦ វាជាព័ត៌មានដ៏ធំមួយនៅក្នុងពិភពកម្សាន្តរបស់ជប៉ុន នៅពេលដែល Hiroki Narimiya ប្រកាសចូលនិវត្តន៍ពីឧស្សាហកម្មមួយនេះយ៉ាងឆាប់រហ័ស។ បន្ទាប់ពីមានព័ត៌មានថាគាត់ប្រើប្រាស់គ្រឿងញៀននិងកូកាអ៊ីន ពីប្រព័ន្ធផ្សព្វផ្សាយកម្សាន្ត FRIDAY ។ ក្រោយមកបុរសម្នាក់នេះបានបដិសេធយ៉ាងដាច់អហង្ការ ចាប់តាំងពីពេលនោះមក មិនមានដំណឹងឬសកម្មភាពទាក់ទងនឹងគាត់ទៀតទេ។

ទោះយ៉ាងណាក៏ដោយ រហូតមកដល់ថ្ងៃនេះ ថ្ងៃទី ០៣ ខែមករា ឆ្នាំ ២០២៤ ទស្សនិកជនជាច្រើនទទួលដំណឹងថា Hiroki Narimiya ត្រៀមវិលចូលប្រឡូកក្នុងវិស័យនេះសាជាថ្មី ក្រោយរយៈពេល ៨ ឆ្នាំដែលបាត់មុខ។ ជាមួយគ្នានោះដែរ លោកត្រូវបានគេបញ្ជាក់ថា នឹងដើរតួក្នុងរឿងភាគដ៏ល្បីល្បាញអំពីរដូវកាលទី ២២ នៅលើប៉ុស្តិ៍ទូរទស្សន៍ Asahi ដែលបច្ចុប្បន្នប្រើឈ្មោះ (Hiroshige Narimiya)។

សូមបញ្ចាក់ដែរថា មុនពេលតារាសម្ដែងវ័យ៤១ឆ្នាំរូបនេះ បាត់មុខពីអាជីពសិល្បៈ Hiroki Narimiya បានបន្សល់នូវការសម្តែងដ៏អស្ចារ្យក្នុងជាច្រើនដូចជារឿង Umechan Sensei, Tokyo DOGS, Bloody Monday, Hachimitsu to Clover, Orange Days, Gokusen, Aibou ជាដើម៕