ក្រោយរៀបការជាមួយសេដ្ឋីវៀតណាម Pu ប្រើជីវិតហៃសូមួយទំហឹង ក្នុងឈុតស្រើបស្រាលបង្អួតភ្នែកញាតិ

នៅថ្ងៃទី​ ១៦ ​ខែមករា ឆ្នាំ២០២៤ តារាថៃនាង Pu Praya បានបញ្ចេញនូវរូបភាពដ៏ស្រើបស្រាលខ្លាំងពីកន្លែងកម្សាន្ត Cabo San Lucas ដែលជាកោះដ៏រ៉ូមែនទិកបំផុតនិងមានតម្លៃខ្លាំង ខណៈរូបថតនីមួយៗរបស់នាងសុទ្ធសឹងតែបង្អូតភាពសិចស៊ីទាក់ចិត្តទស្សនិកជនប្រុសស្រីជាច្រើនរូប។

យោងតាមប្រភពពីកាសែតប្រទេសថៃ Sanook បានសរសេរថា​ Pu Praya រៀបការជាមួយមហាសេដ្ឋី លោក Quoc ដែលជាអ្នកជំនួញមានទ្រព្យចាយលែងខ្វះ ហើយបានធ្វើឲ្យស្រីៗជាច្រើនលួចច្រណែននឹងវាសនារបស់នាងជាខ្លាំង។ ដែលនោះបង្ហាញថា ​ស្វាមី​របស់តារាសម្ដែងថៃរូបនេះ ​​​មើល​ថែ​នាង​យ៉ាង​ល្អ​ក្នុង​របៀប​ដែល​នាង​រស់នៅ​ដូច​ព្រះនាងយ៉ាងដូច្នោះដែរ។

របាយការណ៍ពីប្រភពថៃដដែលបានបញ្ចាក់ទៀតថា​ ​ថ្វីបើនាងរៀបការជាមួយមហាសេដ្ឋីវៀតណាមក៏ពិតមែន​ ប៉ុន្តែនាងនៅតែប្រើជីវិតដូចកាលនៅសម្ដែង ក្នុងន័យថា Pu Praya នៅតែឧស្សាហ៍​ព្យាយាមធ្វើការងារដែលនាងស្រលាញ់ដូចធម្មតា រួមទាំងការថតរូប និងចូលរួមក្នុងព្រឹត្តិការណ៍ផ្សេងៗដដែល។

លើសពីនេះទៀតសោត អតីតតួឯកស្រីក្នុងរឿង “នាងតូចចង្កៀងកែវ” ក៏ទម្លាប់ប្រើជីវិតនិងរបៀបរស់នៅមួយទៀតដែលនាងចូលចិត្តគឺការធ្វើដំណើរទៅកន្លែងផ្សេងៗ។ ក្នុងពេលកាលពីពេលថ្មីៗនេះ Pu Praya បានទៅលំហែកាយនៅ Cabo San Lucas ដែលត្រូវបានគេស្គាល់ថា Cabo ជាទីក្រុងរមណីយដ្ឋានមួយនៅចុងភាគខាងត្បូងនៃ Baja California Peninsula ក្នុងរដ្ឋ Baja នៃប្រទេសម៉ិកស៊ិក ។

ទោះយ៉ាងណាក៏ដោយ ដូចដែលទស្សនិកជនជាច្រើនដែលធ្លាប់ទស្សនាពីជីវិតរបស់នាងតែងដឹងហើយថា រាល់រូបភាពរបស់ Pu Praya​ តែងតែនិយមស៊ិចស៊ី​ខ្លាំងបង្ហាញរាងល្អឥតខ្ចោះនៅក្នុងឈុតប៊ីគីនីរាល់លើកពុំដែលខានឡើយ។យ៉ាងណាមិញ មិនបង្អង់យូរឡើយ តារាស្រីសំបូរហ្វេនទាំងជាតិនិងអន្តរជាតិត្រូវមហាជនជាច្រើនសម្រុកចូលទៅសរសើរពីរាងរៅល្វត់ល្វន់ និងស្លីមស្អាតគ្មានក្បាលពោះរបស់នាង។ ជាពិសេសនោះគឺសម្រស់និងកេរ្តិ៍ឈ្មោះរបស់នាង ដែលមិនត្រឹមតែស្អាត និងល្បីល្បាញនៅហូលីហូវូដនោះទេ ប៉ុន្តែសូម្បីតែជីវិតដ៏ប្រណិតរបស់នាងក៏គួរឲ្យសរសើរ និងមានគេចង់បានដូចផងដែរ៕

អត្ថ​បទ៖ សាង ស្រីល័ក្ខ

ចុចអាន៖ប្រវត្តិសេដ្ឋី​ជំនួញស្រុកថៃ Korn បុរសយកបានបេះដូងតួឯកស្រីរឿង “កំហឹងឈាមអ្នកតស៊ូ”