ជីវិតកម្សាន្ដ

អបអរសាទរ ! បទ«Call Me PaPa» មានអ្នកចូលទស្សនាលើ Tik Tok រហូត ១៤០០ លានដង នៅជុំវិញពិភពលោក

បានផុស

២ years មុន

នៅ

ថ្ងៃពុធ ២៤ មករា ២០២៤

ដោយ

អបអរសាទរបទចម្រៀង « Call Me PaPa » របស់កំពូលតារាចម្រៀងឧកញ៉ា ខេមរៈ សិរីមន្ត មិនត្រឹមតែល្បីល្បាញនៅក្នុងប្រទេសប៉ុណ្ណោះទេ ពេលនេះបទចម្រៀង « Call Me PaPa » បានល្បីល្បាញជុំវិញពិភពលោក ជាក់ស្តែងនៅលើបណ្តាញសង្គម Tik Tok មានអ្នកចូលទស្សនារហូតដល់ទៅ ១៤០០ លានដង នៅជុំវិញពិភពលោក។ នេះបើតាមការបង្ហាញលើផេកផ្លូវការរបស់ផលិតកម្ម Galaxy Navatra។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភាពល្បីល្បាញ នៃបទចម្រៀង « Call Me PaPa » គឺជាសមិទ្ធផលធំថ្មីមួយទៀតរបស់តារាចម្រៀង ខេមរៈ សិរីមន្ត នៅក្នុងផលិតកម្ម Galaxy Navatra ហើយក៏ជាមោទនភាពដ៏ធំមួយសម្រាប់វិស័យសិល្បៈចម្រៀងខ្មែរនៅលើឆាកអន្តរជាតិ ដោយសារតែបទចម្រៀងមួយបទនេះអាចទាក់ទាញអ្នកគាំទ្រទាំងក្នុង និងក្រៅប្រទេស ឱ្យចូលទស្សនាច្រើន ជាពិសេសនៅលើបណ្ដាញសង្គម Tik Tok មានអ្នកចូលទស្សនារហូតដល់ទៅ ១៤០០ លានដង នៅជុំវិញពិភពលោក ដែលចំនួននេះមិនធ្លាប់មានឡើយក្នុងប្រវត្តិសាស្ត្របទចម្រៀងរបស់ខ្មែររយៈពេលដ៏ខ្លីនេះ។

សិល្បករខ្មែរជាច្រើនរូបបានសាទរចំពោះភាពល្បីល្បាញ នៃបទចម្រៀង « Call Me PaPa » របស់កំពូលតារាចម្រៀងលោកឧកញ៉ា ខេមរៈ សិរីមន្ត នេះ ដោយចាត់ទុកថាគឺជាមោទនភាពខ្លាំងណាស់សម្រាប់វិស័យសិល្បៈនៅក្នុងប្រទេសកម្ពុជា។

សូមបញ្ជាក់ផងដែរថា បទ “CALL ME PAPA” ត្រូវបានមហាជន ក៏ដូចជាអ្នកផលិតវីដេអូល្បីឈ្មោះជាច្រើន បានវាយតម្លៃថា បទចម្រៀងរបស់កម្ពុជាមួយបទនេះមិនចាញ់បទចម្រៀងល្បីលើពិភពលោកឡើយ ព្រោះកាមេរ៉ាដែលប្រើប្រាស់ថតបទចម្រៀងមួយបទនេះជាកាមេរ៉ាទំនើបចុងក្រោយគេ ហើយអ្នកថតសុទ្ធតែប្រជុំទៅដោយអ្នកជំនាញៗ។

តាមរយៈបទចម្រៀងនេះហើយបានជំរុញទឹកចិត្តឲ្យកំពូលតារាចម្រៀងរូបនេះ នាំយកអ្វីដែលថ្មីៗទៅកាន់ទស្សនិកជន ជាពិសេសអ្នកគាំទ្ររបស់ខ្លួន ដោយ លោកឧកញ៉ា ខេមរៈ សិរីមន្ដ ជាអ្នកចេញដឹកនាំការផលិតដោយផ្ទាល់ខ្លួនលោកតែម្ដង។

បើទោះបីជាបទចម្រៀងមួយបទនេះបានចេញជាផ្លូវការអស់ពេលជាច្រើនខែមកហើយក្តី ភាពល្បីល្បាញ នៃបទ “CALL ME PAPA” នៅតែមានសន្ទុះ នៃការគាំទ្រមិនចេះរីងស្ងួតឡើយ ជាក់ស្ដែងមិនថាក្នុងកម្មវិធីជប់លៀង , ពិធីមង្គលការ ឬការជួបជុំដំណើរកម្សាន្តតាមទីជិត ឬទីឆ្ងាយ នៅតែពេញនិយមស្តាប់ និងរាំលេងកម្សាន្តជាមួយបទចម្រៀងនេះដោយក្ដីរីករាយ៕