ជីវិតកម្សាន្ដ
គូម៉ា ដាស់តឿនឲ្យប្រុងប្រយ័ត្នរាល់ការទូទាត់ ក្រោយនារីម្នាក់បាញ់លុយច្រឡំជាង ៨ ម៉ឺនដុល្លារ
ជាសារដាស់តឿន តារាចម្រៀង លោក គូម៉ា បានអំពាវនាវមហាជនប្រុងប្រយ័ត្នខ្ពស់រាល់ការទូទាត់លុយ គឺ ត្រូវតែពិនិត្យឲ្យបានត្រឹមត្រូវ ជៀសវាងបាញ់ច្រឡំដូចជាការផ្ទេរខុស (ពីលុយរៀលច្រឡំជាលុយដុល្លារ)ជាដើម…។
![](https://www.kampucheathmey.com/wp-content/uploads/2024/01/FB_IMG_1706661414947.jpg)
ការចេញសារបំផុសរបស់ តារាចម្រៀងសម្បុរសណ្ដែកបាយ លោក គូម៉ា ខាងលើនេះ ធ្វើឡើងក្រោយថ្មីៗនេះមានស្ត្រីជាភ្ញៀវម្នាក់បានធ្វើការទូទាត់លុយ(បាញ់)ច្រឡំជាង ៨ ម៉ឺនដុល្លារ ចំពោះថ្លៃទិញអាហារពីហាងរបស់លោក ខណៈតម្លៃចំណាយអស់ត្រឹមតែជាង ៨ ម៉ឺនរៀលប៉ុណ្ណោះ។
![](https://www.kampucheathmey.com/wp-content/uploads/2024/01/FB_IMG_1706661377124.jpg)
លោក គូម៉ា បានបញ្ជាក់ថា «អរគុណបងប្អូនដែលបានបញ្ចេញមតិក្នុង Comment នេះជារឿងពិតក្នុងហាងយើងខ្ញុំ ដូច្នេះបងប្អូនទាំងអស់រាល់ការទូទាត់លុយ សូមមេត្តាប្រុងប្រយ័ត្ន និងពិនិត្យឲ្យបានត្រឹមត្រូវ មិនថាហាងយើងខ្ញុំ ឬតាមបណ្ដាហាង ឬកន្លែងផ្សេងទៀត ដើម្បីជៀសវាងក្នុងការច្រឡំ អាចបណ្ដាលឲ្យមានការខាតបង់ជាដើម សូមជូនពរបងប្អូនក្នុងឱកាសឆ្នាំថ្មី ទទួលលាភជ័យសុខសប្បាយ ហេងហេងគ្រប់ៗ គ្នា»។
![](https://www.kampucheathmey.com/wp-content/uploads/2024/01/FB_IMG_1706661356240.jpg)
ចំណែកនៅលើគណនីហ្វេសប៊ុកឈ្មោះ Phalla Seng ដែលជាភ្ញៀវបានលើកឡើងដែរថា «នាងខ្ញុំ សូមអរគុណដល់ម្ចាស់ហាង គូម៉ា លក់គ្រឿងសមុទ្រ ដែលកាលពីយប់មិញ ខ្ញុំបានកុម្ម៉ង់ម្ហូបពីខាងគាត់មកហូបអស់ទឹកលុយ ៨៤ ០០០ រៀល ហើយបានបាញ់លុយច្រឡំ ៨៤ ០០០ ដុល្លារ ទៅកាន់ហាង ក្នុងការទូទាត់ថ្លៃគ្រឿងសមុទ្រ»។
![](https://www.kampucheathmey.com/wp-content/uploads/2024/01/FB_IMG_1706659493188.jpg)
ម្ចាស់ហ្វេសប៊ុកដដែល បានបញ្ជាក់បន្ថែមថា «ថ្ងៃនេះ គឺគាត់បានផ្ទេរសាច់ប្រាក់ត្រឡប់មកខ្ញុំវិញដោយគ្រប់ចំនួន ដោយមិនទទួលសគុណពីនាងខ្ញុំទៀតផង។ សូមអរគុណទឹកចិត្តដ៏ល្អរបស់បងៗ ជូនពរហាងបងប្រុសបងស្រីមានអតិថិជនគាំទ្រច្រើនៗ ហេងៗ»។ តាមរយៈនេះ ក៏មានទស្សនិកជនជាច្រើនបានបង្ហាញការសរសើរចំពោះទឹកចិត្តតារាចម្រៀងលោក គូម៉ា ផងដែរ៕
អត្ថបទ ៖ ចាន់រ៉ា
![](https://www.kampucheathmey.com/wp-content/uploads/2024/01/FB_IMG_1706661392067.jpg)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានជាតិ៧ ថ្ងៃ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៥ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៥ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ៧ ថ្ងៃ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា៣ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានជាតិ១ សប្តាហ៍ ago
UPDATE៖ ជំនន់ទឹកភ្លៀងនៅខេត្តព្រះវិហារ បានស្រកបណ្តើរៗ តែស្ពាននិងថ្នល់មួយចំនួនរងការខូចខាត
-
ព័ត៌មានអន្ដរជាតិ២ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី