ជីវិតកម្សាន្ដ

ខាត់ សុឃីម រំពឹងមានលទ្ធភាពបើកសាលាបង្រៀនឧបករណ៍ភ្លេងបុរាណដល់ក្មេងជំនាន់ក្រោយ

បានផុស

២ years មុន

នៅ

ថ្ងៃសុក្រ ២ កុម្ភៈ ២០២៤

ដោយ

តារាស្រីពហុជំនាញអ្នកនាង ខាត់ សុឃីម បានដាក់ក្តីរំពឹងថា ថ្ងៃណាមួយនាងនឹងអាចមានសមត្ថភាពបើកសាលាបណ្ដុះបណ្ដាលសាលាបង្រៀនឧបករណ៍ភ្លេងបុរាណខ្មែរដល់ក្មេងជំនាន់ក្រោយៗ ដែលជាអ្នកបន្តវេនអ្នកជំនាន់មុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នា នៃការដាក់ក្តីរំពឹងរបស់តារាស្រីល្បីឈ្មោះអ្នកនាង ខាត់ សុឃីម ដែលមានបំណងចង់បើកសាលាបង្រៀនឧបករណ៍ភ្លេងបុរាណខ្មែរ នាងក៏បានទទូចចង់ឃើញក្មេងៗ ជំនាន់ក្រោយមានឆន្ទៈក្នុងការហាត់រៀនភ្លេង ចម្រៀងបុរាណ និងស្គាល់ឧបករណ៍ខ្មែរ ហោចណាស់ក៏បានម្នាក់ ១ ដែរ ព្រោះនោះជាការថែរក្សាទុកបន្តដល់កូនចៅ។

តារាស្រីអ្នកនាង ខាត់ សុឃីម ក៏បានលើកឡើងតាមរយៈបណ្ដាញសង្គមហ្វេសប៊ុកដោយបង្ហាញជាសាធារណៈថា «ខ្ញុំ សង្ឃឹមថ្ងៃណាមួយ ខ្ញុំនឹងមានសមត្ថភាពបើកសាលាបង្រៀន និងផ្គត់ផ្គង់ប្អូនៗ ជំនាន់ក្រោយបាន សូមពុក ខាត់ ជួយសម្រេចបំណងកូនផងពុក»។

អ្នកនាង ខាត់ សុឃីម ក៏បានដាស់តឿនដល់យុវជនដែរថា «ប្អូនៗ ជំនាន់ក្រោយ គួរតែហាត់ភ្លេងចម្រៀងបុរាណយ៉ាងហោចណាស់បាន ១ ឧបករណ៍ បណ្ដុះចិត្តឲ្យស្រឡាញ់ រនាត គងស្រឡៃ ខ្លុយ ស្គរ ទ្រ តាខេ ឃឹម ស្រឡាញ់ច្រៀង អាយ៉ៃ យីកេ ល្ខោន ចាប៉ី ឆៃយ៉ាំ កន្ត្រឹមជាដើម»។ គំនិតរបស់តារាពហុជំនាញ ខាត់ សុឃីម ខាងលើនេះ បានធ្វើឲ្យមហាជនគាំទ្រ និងជំរុញឲ្យនាងបើកសាលាបង្រៀនផ្នែកឧបករណ៍តន្ត្រីបុរាណផងដែរ៕

អត្ថបទ ៖ ចាន់រ៉ា