ជីវិតកម្សាន្ដ

អតីតក្រុមសមាជិកកូរ៉េមួយរូប រងការចោទប្រកាន់ពីបទឆបោកប្រាក់

បានផុស

២ years មុន

នៅ

ថ្ងៃអង្គារ ២០ កុម្ភៈ ២០២៤

ដោយ

អតីតសមាជិកក្រុមចម្រៀងប្រុសល្បីក្នុងវ័យ៣០ឆ្នាំ កំពុងប្រឈមនឹងការចោទប្រកាន់ពីបទឆបោក ហើយត្រូវបានបញ្ជូនទៅកាត់ទោស។ ប៉ុស្តិ៍នគរបាល Ansan Sangrok ក្នុងខេត្ត Gyeonggi បានបញ្ជូនខ្លួនបុរសម្នាក់ហៅកាត់ថាលោក A ទៅកាត់ទោសនៅថ្ងៃទី ១៥ខែកុម្ភៈ។

យោងតាមសារព័ត៌មាន allkpop បានចេញរបាយការណ៍បញ្ចាក់ថា ការចោទប្រកាន់នេះកើតចេញពីគម្រោងវិនិយោគដែលបានបន្លំ ដែលលោក A ត្រូវបានគេចោទប្រកាន់ថាបានខ្ចីប្រាក់ជិត ១០០ លានវ៉ុន (៧៤,៩០៤ ដុល្លារ) ពីអ្នកស្គាល់គ្នារបស់គាត់គឺលោក B ចន្លោះខែមិថុនាដល់ខែកញ្ញា ឆ្នាំ ២០២២។ ប៉ុន្តែលោក A មិនបានសងប្រាក់វិញទេ ហើយឈប់ឆ្លើយតបទៅទំនាក់ទំនងរបស់លោក B តែម្ដង។

ទោះយ៉ាងណាក៏ដោយ បន្ទាប់ពីខកខានក្នុងការទាក់ទងលោក A លោក B ត្រូវបានគេរាយការណ៍ថាបានដាក់ពាក្យបណ្តឹងព្រហ្មទណ្ឌជាមួយប៉ូលិសកាលពីខែវិច្ឆិកា ឆ្នាំ២០២៣ ដោយចាប់ផ្តើមដំណើរការផ្លូវច្បាប់។ ក្រោយមក សមត្ថកិច្ចបានបញ្ចប់ការស៊ើបសួរ បញ្ជាក់ពីបទឆបោក និងបានកសាងសំណុំរឿងបញ្ជូនទៅអយ្យការនៅថ្ងៃទី១៥ ខែកុម្ភៈ។ ទន្ទឹមនឹងនោះ គេដឹងថា លោក A គឺជាអតីតសមាជិកក្រុមចម្រៀងមួយរូប និងនៅតែសកម្មជាតារាល្បីនូវឡើយ។

យ៉ាងណាមិញ មកដល់ពេលនេះទស្សនិកជននៅក្នុងប្រទេសកូរ៉េជាច្រើនបានបញ្ចេញមតិចោទសួរទៅកាន់ជនឆបោកជាសមាជិកក្រុមចម្រៀងនោះថា តើលោកជានរណាមកពីក្រុមណា ខណៈពេលដែលខ្លួនកំពុងតែប្រព្រឹត្តនូវកំហុសបែរជានៅប្រកបអាជីពសិល្បៈយ៉ាងរំភើយ ដោយមិនកោតខ្លាចច្បាប់សូម្បីតែបន្តិចណាឡើយ៕