ជីវិតកម្សាន្ដ

Jennie របួសដៃ ខណៈពេលមនុស្សប្រជៀតគ្នានៅព្រលានយន្តហោះ Incheon

បានផុស

២ សប្តាហ៍ មុន

នៅ

ថ្ងៃអង្គារ ៥ មីនា ២០២៤

ដោយ

Jennie សមាជិកក្រុម BLACKPINK បានរងរបួសនៅព្រលានយន្តហោះ Incheon ក្នុងដំណើរទៅកាន់ Paris Fashion Week នៅប្រទេសបារាំង ខណៈដែលនាងត្រូវបានហ្វូងមនុស្សហ៊ុមព័ទ្ធយ៉ាងខ្លាំង និងបង្កឲ្យមានការវាយប្រហារដ៏ភ័យស្លន់ស្លោ។

អ្នកគាំទ្រជុំវិញពិភពលោកមានការព្រួយបារម្ភយ៉ាងខ្លាំង នៅពេលដែលតារា K-pop ប្រចាំក្រុម BLACKPINK បានរងរបួសនៅក្នុងហ្វូងមនុស្សនៅឯអាកាសយានដ្ឋាន Incheon ។ រឿងនេះបានកើតឡើងនៅថ្ងៃទី ០២ខែមីនា ឆ្នាំ ២០២៤ ខណៈពេលដែល Jennie កំពុងធ្វើដំណើរទៅប្រទេសបារាំង ដើម្បីចូលរួមកម្មវិធី Paris Fashion Week 2024 មុនពេលហ្វូងមនុស្សសម្រុកមកថតរូប។

ការកកស្ទះនៅពេលនេះ នេះបណ្តាលឲ្យនាងមានការភ័យស្លន់ស្លោ។ ប្រសិនបើសង្កេតមើលវីដេអូឃ្លិបនៃឧប្បត្តិហេតុពីទីភ្នាក់ងារសារព័ត៌មានកូរ៉េ Newsen អ្នកគាំទ្រអាចមើលឃើញថា នាងពិតជាមានការភិតភ័យយ៉ាងខ្លាំង ហើយបានទម្លាក់ក្បាលចុះបន្តិច និងដាក់ដៃលើកចុះ ដោយបង្ហាញទឹកមុខមិនសូវជាល្អប៉ុន្មាននោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះ ពេលដើរទៅកាន់ចំណុចប្រមូលអ្នកដំណើរដែលចេញដំណើរ អ្នកគាំទ្រក៏បានហុចស្រោមសំបុត្រមួយទៅ Jennie ប៉ុន្តែដោយសារពេលវេលាប្រថុចញុកពេក ទើបធ្វើនាងស្រវ៉ាយកក្រដាសរហូតមុតដៃភ្លាមៗ។ ទោះបីជាមានការវាយប្រហារដោយការភ័យស្លន់ស្លោ និងរបួសដៃក៏ដោយ ប៉ុន្តែនាងនៅតែញញឹមដាក់អ្នកគាំទ្រ ហើយតែងតែគ្រវីដៃស្វាគមន៍មនុស្សគ្រប់គ្នា ដើម្បីកុំឲ្យអ្នកគាំទ្រព្រួយបារម្ភអំពីការឈឺចាប់ខដែលនាងលាក់ទុក៕