ជីវិតកម្សាន្ដ

ឈឿន ឧត្តម ត្បិតមិនសូវលេចវត្តមានសិល្បៈ តែនៅរក្សាលំដាប់តារាក្នុងដួងចិត្តអ្នកគាំទ្រ

បានផុស

២ years មុន

នៅ

ថ្ងៃសុក្រ ១៥ មីនា ២០២៤

ដោយ

ទស្សនិកជនបានដឹងហើយថា លោក ឈឿន ឧត្តម គឺជាតារាចម្រៀងដ៏មានឈ្មោះល្បីមួយរូបកាល ពីជាង ១០ឆ្នាំមុន តាមរយៈបទចម្រៀងមួយចំនួនដូច ជាបទ «ខ្លាចរកាដែក» «រនោចខែប្រាំង» «អត់មានគូប្រៀប» «ឱបស្រមោល» និងបទ នឿយទេនួនល្អង ជាដើម។ កាលនោះរាល់បទរបស់លោក គឺតែងទទួលបានការគាំទ្រយ៉ាងខ្លាំងពីមហាជនគ្រប់វ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីសាងកេរ្តិ៍ឈ្មោះ និងប្រជាប្រិយភាពមួយរយៈ មកតារាចម្រៀងជើងចាស់រូបនេះក៏បាត់វត្តមានពីវិស័យចម្រៀងជាច្រើនឆ្នាំដែលកន្លងមកធ្វើឲ្យមហាជន អ្នកគាំទ្រលែងសូវបានឃើញវត្តមានរបស់លោកតាមរយៈការចេញច្រៀងតាមកម្មវិធីប្រគំតន្ត្រីក្នុងស្ថានីយទូរទស្សន៍ក៏ដូចស្នាដៃបទចម្រៀងថ្មីៗរបស់លោកផងដែរ។ ប្រការ នេះបានធ្វើឲ្យមហាជនអ្នកគាំទ្រមានក្តីនឹករឭក និងចង់ដឹងពីសុខទុក្ខរបស់លោកយ៉ាងខ្លាំង។

ទោះបីយ៉ាង ណាក្រោយមកលោកក៏ចាប់ផ្តើមលេចវត្តមានខ្លះៗឡើងវិញក្នុងអាជីពសិល្បៈតាមរយៈការចេញច្រៀងនៅតាមបណ្ដាកម្មវិធីមួយចំនួន ពិសេសគឺច្រៀងនៅតាមកម្មវិធីមង្គលការផងដែរ ។ ការបង្ហាញវត្តមានរបស់លោក ឈឿន ឧត្តម បានធ្វើឲ្យមហាជនមួយចំនួននៅតែបង្ហាញការគាំទ្រ និងសរសើរពីទឹកដមសម្លេងរបស់លោកពិរោះដដែល។

ជាក់ស្ដែង តារាចម្រៀងស្រីជំនាន់ក្រោយគឺ កញ្ញា កែវ សៀងហៃ បានបញ្ចេញអារម្មណ៍ស្ងើចសសរសើររៀមច្បង ឈឿន ឧត្តម ថា ជាអាយដលក្នុងដួងចិត្តហើយរាល់បទរបស់លោក ឈឿន ឧត្តម នៅតែដក់ជាប់ក្នុងបេះដូងរហូតមកទល់ពេលបច្ចុប្បន្ននេះ។

កញ្ញា កែវ សៀងហៃ បានលើកឡើងថា “គាត់ជាអាយដលក្នុងចិត្តខ្ញុំតាំងពីតូចគ្រប់បទរបស់គាត់ គឺស្រលាញ់ទាំងអស់ អ៊ីចឹងទើបបទរបស់គាត់ពេលខ្ញុំច្រៀង គឺចេញពីបេះដូងតែម្តង បងប្អូនស្រលាញ់បទមួយណាដែលខ្ញុំច្រៀង ? “ចាញ់ស្នេហ៍បង” “មិននឿយទេបង” “សុំទោសភ្លើងស៊ីជម្ពូ” ?ប្រាប់ផងថា ស្រលាញ់មួយណាដែរ?”។ ក្នុងនោះក៏មានការលើកឡើងថា ស្រឡាញ់ទាំងអស់ គ្រប់បទលោក ឈឿន ឧត្តម អូនច្រៀងដាក់អារម្មណ៍បានល្អណាស់៕

អត្ថបទ៖ ចាន់រ៉ា