ជីវិតកម្សាន្ដ
ជូរី ល្អហួស និងម្តាយ ប្រតិកម្មឆ្លើយតប ក្រោយរងការរិះគន់លើការស្លៀកពាក់ថាមិនមែនខ្មែរ
ម្ចាស់មកុដ Miss Preteen Junior Idol 2024 និង អ្នកនាង ដេននី ក្វាន់ ដែលជាម្តាយ បានចេញប្រតិកម្មឆ្លើយតបសម្តែងការហួសចិត្តជាខ្លាំង បន្ទាប់ពីរងការរិះគន់ពីសំណាក់ស្ត្រីម្នាក់ដោយការប្រមាថមើលងាយចំពោះការស្លៀកពាក់ និងលើកឡើងថា ការធ្វើបែបនេះទំនងម្តាយកូនពួកគេពុំមែនជាខ្មែរទេ។
ផ្អែកតាមការបង្ហោះនៅលើគណនីហ្វេសប៊ុកឈ្មោះ វិចិត្រណា អលង្កការត្បូងធម្មជាតិ បានរិះគន់ភ្ជាប់រូបភាពរបស់បវរកញ្ញាវ័យក្មេង ល្អហួស ដោយសរសេរខ្លឹមសារថា «ខ្ញុំមិនទើសនឹងរូបកាយស្អាតវ័យក្មេងរបស់នាងទេ ប៉ុន្តែម្តាយនាងព្រមឲ្យនាងធ្វើបែបនេះវាស្ទើរតែស្រាតកូនស្រីខ្លួនឲ្យគេមើលជាសាធារណៈ ដើម្បីដុតរោលរាលភ្លើងតណ្ហាភ្លើតភ្លើនក្នុងសង្គមអាវាសែ ពួកនេះមើលទៅមិនមែនជាជនជាតិខ្មែរយើងពិតប្រាកដទេ ព្រោះខ្មែរយើងមានសេចក្ដីថ្លៃថ្នូរប្រកបដោយកិត្តិយស….ភាពថ្លៃថ្នូរ នៃស្ត្រីខ្មែរនៅឯណា?»។
ឆ្លើយតបការរិះគន់ខាងលើ បវរកញ្ញា ជូរី ល្អហួស បានលើកឡើងថា «ជាដំបូង ក្មួយ សូមគោរពជម្រាបសួរទៅដល់អ្នកមីង អ្នកមីងអាចជេរក្មួយបាន តែសូមអ្នកមីងកុំប្រមាថម្ដាយក្មួយអី ក្មួយសុំចិត្តអ្នកមីង ព្រោះអ្នកមីងក៏ជាម្ដាយគេមួយរូបផងដែរ ក្មួយសូមទទួលយកមតិរិះគន់របស់អ្នកមីងក្នុងន័យស្ថាបនា តែមិនមែនក្នុងន័យជាន់ពន្លិច»។
ល្អហួស បញ្ជាក់ថា «ក្មួយចង់ជម្រាបទៅអ្នកមីងថា តម្លៃស្ត្រីខ្មែរដែលអ្នកមីងចង់បានគឺក្មួយមិនអាចផ្គាប់ចិត្តអ្នកមីងតែម្នាក់បានទេ ព្រោះពេលក្មួយបានបង្ហាញភាពជានារីខ្មែរ ស្ត្រីខ្មែរ ទៅកាន់ពិភពលោកគេឃើញគ្រប់ៗ គ្នា គឺពេលក្មួយរាំរបាំអប្សរាបង្ហាញឈុតតំណាងជាតិដែលជាអត្តសញ្ញាណជាតិខ្មែរ លះបង់គ្រប់បែបយ៉ាង ទាំងកម្លាំងចិត្ត កម្លាំងកាយ បេះដូងដ៏បរិសុទ្ធ បង្ហាញពីភាពទន់ភ្លន់របស់ស្ត្រីខ្មែរ តើអ្នកមីងបានសរសើរក្មួយទេ? និងបានជួយស៊ែរសរសើរពីកូនខ្មែរដែលនាំកិត្តិយសកេរ្តិ៍ឈ្មោះដ៏ល្បីមកជូនជាតិមាតុភូមិទេ?»។
ចំណែកឯ អ្នកនាង ដេននី ក្វាន់ បានប្រតិកម្មទាំងក្តៅចិត្តថា «ហើយថី បានមកដៀលអញនឹង ទើបចេញពីព្រៃមែនបានមិនដឹងខ្យល់អីសោះ កន្លែងណាដែលថា ស្ទើរតែស្រាត? ហើយកូនអញអាវាសែត្រង់ណា? ចេញមកភ្លើខុសរបៀបអានេះ គេមិនមែនហៅថារិះគន់ស្ថាបនាទេ គឺជាន់ហើយជេរទៀត»។ យ៉ាងណាក៏មានអ្នកគាំទ្រជាច្រើន បានលើកទឹកចិត្ត ល្អហួស កុំឲ្យខ្វល់នឹងសម្ដីរិះគន់ពីសំណាក់បុគ្គលមួយចំនួនផងដែរ៕
អត្ថបទ ៖ ចាន់រ៉ា
-
ព័ត៌មានជាតិ២២ ម៉ោង agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
សេដ្ឋកិច្ច៧ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៤ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ៥ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
ព័ត៌មានអន្ដរជាតិ៧ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
សន្តិសុខសង្គម៥ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៧ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៧ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី