ជីវិតកម្សាន្ដ

តារាចម្រៀង ស៊ូលី ផេង រម្លឹកទាំងក្ដុកក្ដួល ក្រោយទទួលដំណឹងមរណភាពសាស្ត្រាចារ្យ សំបូរ មាណ្ណារ៉ា

បានផុស

១១ ខែ មុន

នៅ

ថ្ងៃអាទិត្យ ២១ មេសា ២០២៤

ដោយ

បន្ទាប់ពីទទួលដំណឹង នៃមរណភាពរបស់សាស្ត្រាចារ្យ សំបូរ មាណ្ណារ៉ា គេសង្កេតឃើញមានមហា ជនជាច្រើនបានបង្ហាញនូវអារម្មណ៍រន្ធត់ចិត្តជាខ្លាំងចំពោះការបាត់បង់ធនធានសាស្ត្រាចារ្យក្នុងវិស័យអប់រំនៅកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែកឯតារាចម្រៀងប្រុសលោក ស៊ូលី ផេង ដែលកន្លងមកធ្លាប់ជាសិស្សរបស់សាស្ត្រាចារ្យ សំបូរ មាណ្ណារ៉ា ឯណោះ ក៏បានសម្តែងអារម្មណ៍សោកសៅដោយរន្ធត់ចិត្តជាខ្លាំងក្រោយពេលទទួលដំណឹងមរណទុក្ខដ៏ក្រៀមក្រំខាងលើនេះ។ ម្យ៉ាងទៀត ស៊ូលី ផេង ក៏បានរម្លឹកនូវការចងចាំ និងការលះបង់ដ៏ធំធេងរបស់លោកគ្រូ សំបូរ ម៉ាណ្ណារ៉ា ក្នុងវិស័យអប់រំសម្រាប់សិស្ស-និស្សិតជាច្រើននៅកម្ពុជាផងដែរ។

តារាចម្រៀង ស៊ូលី ផេង បានរៀបរាប់ទាំងក្ដុកក្ដួលថា “មួយជីវិតរបស់លោកគ្រូលះបង់ដើម្បីការអប់រំបណ្ដុះបណ្ដាលផ្នត់គំនិតយុវជនឲ្យចេះស្រលាញ់ជាតិ ស្នេហាជាតិ ដោយមិនអាចកាត់ថ្លៃបាន លោកគ្រូជាមនុស្សម្នាក់ដែលបានផ្តល់ចំណេះដឹង និងចំណេះធ្វើ មកកាន់ខ្ញុំជាទុនក្នុងជីវិត”។

លោក ស៊ូលី ផេង បានបន្ថែមទៀតថា ”សូមវិញ្ញាណក្ខន្ធលោកគ្រូបានទៅកាន់សុគតិភពកុំបីឃ្លៀងឃ្លាតឡើយ…”។

សូមជម្រាបថា សាស្ត្រាចារ្យផ្នែកប្រវត្តិសាស្ត្រខ្មែរ លោក សំបូរ មាណ្ណារ៉ា បានទទួលមរណភាព កាលពីវេលាម៉ោង ៥ និង ៤០ នាទីព្រឹក ថ្ងៃទី ២០ ខែមេសា ឆ្នាំ ២០២៤ ក្នុងជន្មាយុ ៦៧ ឆ្នាំ ដោយរោគាពាធ៕

អត្ថបទ ៖ ចាន់រ៉ា