ជីវិតកម្សាន្ដ

ឌួង ហ្សូរីដា តូចចិត្តខំចំណាយធនធានផ្ទាល់ខ្លួនអភិរក្សអ្វីជារបស់ខ្មែរតែមិនសូវទទួលបានការគាំទ្រ

បានផុស

២ years មុន

នៅ

ថ្ងៃព្រហស្បតិ៍ ២ ឧសភា ២០២៤

ដោយ

ពិធីការិនី និងជាតារាសម្តែងស្រី ឌួង ហ្សូរីដា កាលពីថ្មីៗនេះបានទម្លាយពីអារម្មណ៍តូចចិត្ត ខណៈកន្លងមកនាងតែងតែបង្ហាញសកម្មភាពក្នុងការចូលរួមបំផុសការអភិរក្ស និងបង្ហាញអ្វីដែលជារបស់ខ្មែរ ប៉ុន្តែផ្ទុយទៅវិញហាក់មិនសូវមានការលើកទឹកចិត្ត ឬការគាំទ្រទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេនៅចាំបានថាពិធីការិនីរូបស្រស់កញ្ញា ឌួង ហ្សូរីដា ជារឿយៗនាងធ្លាប់ចេញមុខមកបំផុសដោយស្នើសុំដល់ពលរដ្ឋ និងយុវជនខ្មែរគ្រប់រូបត្រូវមានឆន្ទៈគោរពស្រឡាញ់ជាតិសាសន៍ និងមរតកកេរ្តិ៍ពីដូនតាដែលបានបន្សល់ទុកសម្រាប់កូនចៅជំនាន់ក្រោយៗបានស្គាល់ហើយកុំមានចិត្តស្រឡាញ់គ្រាន់តែដូចភ្លើងចំប៉ើង។

ដោយឡែកថ្មីៗនេះដែរ ឌួង ហ្សូរីដា បានចេញមកទម្លាយពីការអន់ចិត្តរបស់ខ្លួនថា«ខ្ញុំគ្មានមាសពេជ្រ លុយ ឡាន វីឡា កាបូបប្រេន អួតហ្នឹងគេទេ ប៉ុន្តែខ្ញុំសង្ឃឹមថាពុកម៉ែបងប្អូនប្រជាជនខ្មែរកំពុងកត់សំគាល់ថាខ្ញុំកំពុងព្យាយាមអភិរក្ស និងអួតអ្វីជារបស់ខ្មែរដែលខ្ញុំប្រឹងប្រែងធ្វើរាល់ថ្ងៃចំណាយធន់ធានផ្ទាល់ និងព្យាយាមបង្ហោះ បង្ហាញ ប៉ុន្តែពេលខ្លះមិនទទួលបានការចាប់អារម្មណ៍លើការស៊ែរ LiKe/Comment ដូចការបង្កើតកម្មវិធីជេរគ្នា ឬបង្កើតរឿងបំពុលសង្គមទេ»។

គួរបញ្ជាក់ដែរថាពិធីការិនីកញ្ញា ឌួង ហ្សូរីដា កាលពីកន្លងទៅក៏ធ្លាប់អំពាវនាវដោយបានបញ្ជាក់ថា នាងមិនដែលហត់នឿយនឹងការថតផ្សព្វផ្សាយកេរ្តិ៍មរតកដូនតាខ្មែរទេគ្រប់ពេលដែលទៅប្រាសាទអង្គរវត្តជាមួយសំលៀកបំពាក់ជានារីខ្មែរព្រោះនាងជាខ្មែរមិនមែនទើបតែជ្រួលតាមខ្យល់បក់ទេ ប៉ុន្តែគឺរៀងរាល់ឆ្នាំជាទម្លាប់។

ជាមួយការលើកឡើងខាងលើគេឃើញមានអ្នកគាំទ្រមយចំនួនបានបញ្ចេញមតិតាមរយៈការគាំទ្រ និងលើកទឹកចិត្តខណៈមានខ្លះនិយាយថា «នេះគឺជាការបង្ហាញពីអត្តសញ្ញាណរបស់កម្ពុជាដូចជាប្រសាទអង្គរវត្ត ហូលផាមួងដែលជាស្នាដៃរបស់កូនខ្មែរមានជាអក្សរ អរគុណសន្តិភាពជាដើម»៕

អត្ថបទ៖ ចាន់រ៉ា