Connect with us

ជីវិតកម្សាន្ដ

ព្រាប សុវត្ថិ ព្រមានម្ចាស់ Page មួយក្រោយយករូបក្រុមគ្រួសារទៅបង្ហោះគ្មានការអនុញ្ញាត ក្នុង​ន័យបោកប្រាស់

បានផុស

នៅ

កំពូលតារាចម្រៀងងារជាឧកញ៉ាលោក ព្រាប សុវត្តិ បានផ្ទុះប្រតិកម្មដោយបង្ហាញការហួសចិត្តជាខ្លាំងព្រមទាំងព្រមានម្ចាស់ Page លក់គ្រឿងអលង្ការមួយឲ្យលុបចោលជាបន្ទាន់ ក្រោយយករូបក្រុមគ្រួសាររបស់លោកទៅបង្ហោះដោយគ្មានការអនុញ្ញាតដើម្បីទាញយកផលប្រយោជន៍ផ្ទាល់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកគាំទ្រ និងមហាជនបានកត់សម្គាល់ឃើញថា ករណីនេះជាលើកទី១ ដែលធ្វើឲ្យកំពូលតារាចម្រៀងឧកញ៉ារូបនេះបានបញ្ចេញប្រតិកម្មព្រមានចាត់វិធានការផ្លូវច្បាប់ប្រសិនបើម្ចាស់ផេករូបនោះមិនព្រមទទួលស្គាល់កំហុសតាមរយ:​ការ​លុប​ចោលជាបន្ទាន់រាល់ការផុសរូបក្រុមគ្រួសារលោកដោយគ្មានការអនុញ្ញាត។

តារាចម្រៀងលោក ព្រាប សុវត្ថិ បានបង្ហោះខ្លឹមសារភ្ជាប់រូបភាពនោះថា «ជម្រាបសួរបងប្អូន ពូមីងអ៊ុំប្រុស អ៊ុំស្រីជាទីគោរពស្រលាញ់ ខ្ញុំបាទ ព្រាប សុវត្ថិ សូមជម្រាបដល់បងប្អូនពូមីង អ៊ុំប្រុស អ៊ុំស្រី អោយបានជ្រាបថា ដោយសារថ្មីៗនេះខ្ញុំបាទបានឃើញមាន Facebook Pages ឈ្មោះ Gold PNJ – គ្រឿងអលង្ការលំដាប់ខ្ពស់ដែលបានយករូបក្រុមគ្រួសារយើងខ្ញុំទៅផុសដោយគ្មានការអនុញ្ញាតដោយបានភ្ជាប់ជាមួយអត្ថបទ ១៧៥ដុល្លារសល់សូន្យដុល្លារការផ្តល់ជូនមាសសុទ្ធដោយឥតគិតថ្លៃ មួយគូក្នុងមនុស្សម្នាក់ឥតគិតថ្លៃទាំងស្រុង ធានាលោកអ្នកនឹងទទួលបានមាសសុទ្ធដោយឥតគិតថ្លៃ។ ដោយតម្រូវអោយអ្នកដែលចង់បានមាសធ្វើការផ្ញើលុយ១៥ដុល្លារក្នុងម្នាក់។

លោក ព្រាប សុវត្ថិ បាននិយាយទៀតថា “យើងខ្ញុំសូមជូនដំណឹងទៅដល់ម្ចាស់ Facebook Pages ទាំងនោះធ្វើការលុបការផ្សព្វផ្សាយនោះដែលមានរូបភាពក្រុមគ្រួសារយើងខ្ញុំជាបន្ទាន់ ពុំដូចនោះទេយើងខ្ញុំនឹងមានវិធានការទៅតាមនិតិវិធីច្បាប់នៃព្រះរាជាណាចក្រកម្ពុជា”

បន្ថែមពីនេះ លោក ព្រាប សុវត្ថិ បញ្ជាក់ដែរថា ជាមួយគ្នានេះដែយើងខ្ញុំសូមបញ្ជាក់ជូនបងប្អូនទាំងអស់អោយបានជ្រាបថា ការផ្សព្វផ្សាយនេះពុំមានការអនុញ្ញាតពីក្រុមគ្រួសារយើងខ្ញុំឡើយក្រុមគ្រួសារយើងខ្ញុំពុំមានពាក់ព័ន្ធអ្វីជាមួយម្ចាស់ Facebook Pages ទាំងនោះឡើយសូមបងប្អូនកុំធ្វើការផ្ញើលុយទៅពួកគាត់ជៀសវាងការចាញ់បោកដោយប្រការណាមួយ៕

អត្ថបទ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៨ នាទី មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ២៧ នាទី មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង១ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៤ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

ព័ត៌មានជាតិ៤ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

Sokha Hotels

ព័ត៌មានពេញនិយម