មាន សូនីតា រាជនីក្រមាយ័ន្តខ្មែរ “នារីកម្ពុជា” បង្អួតសម្រស់នៅប្រាសាទព្រះវិហារមោទនភាពខ្លាំង

តារាសម្តែងធ្មេញជំពើសកញ្ញា មាន សូនីតា គេកត់សម្គាល់ចាប់តាំងពីនាងបានលេចវត្តមានបញ្ចេញសម្រស់នៅលើកំរាលព្រំក្រហមនាទីក្រុងកានក្នុងប្រទេសបារាំងដោយបានពាំនាំនូវវប្បធម៌ដ៏ល្អអស្ចារ្យ និងល្អផូរផង់របស់ខ្មែរទៅបង្ហាញដល់ពិភពលោកមកនោះឃើញថា តារាស្រីរូបនេះទទួលបានការគាំទ្រ និងប្រជាប្រិយភាពកាន់តែលេចធ្លោខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភាពជោគជ័យរបស់តារាសម្តែងស្រីកញ្ញា មាន សូនីតា ពេលនេះកើតចេញពីការតាំងចិត្តខ្ពស់ការតស៊ូរជំនះរាល់ឧបសគ្គដែលទទួលបានការលើកទឹកចិត្ត និងគាំទ្រពីមហាជនទូទៅ។ នាងក៏មានមោទនភាពខ្លាំងក្រោយទទួលបានការគាំទ្រពីទស្សនិកជន និងមានបណ្តាសាព័ត៌មានធំៗរបស់បរទេសចុះផ្សាយអំពីវត្តមាននាងលើកម្រាលព្រំក្រហមក្នុងកម្មវិធីមហោស្រពនាទីក្រុងកានប្រទេសបារាំង។

អ្វីដែលកាន់តែពិសេស និងធ្វើឲ្យមហាជនខ្មែរកាន់តែចាប់អារម្មណ៍ជាងនេះថែមទៀតបន្ទាប់ពីជោគជ័យក្នុងកម្មវិធីនៅប្រទេសបារាំងស្រីស្អាត មាន សូនីតា ថ្មីៗនេះស្រាប់តែរំលេចខ្លួននៅលើទឹកដីនៃប្រាសាទព្រះវិហារតាមរយ:ការផ្សព្វ​ផ្សាយពីភាពអស្ចារ្យនៃវប្បធម៌របស់ខ្មែរ។ នេះអាចបញ្ជាក់ថា មាន សូនីតា ជាតារាខ្មែរម្នាក់ទៀតហើយដែលបានលើកស្ទួយពីតម្លៃវប្បធម៌យ៉ាងល្អឯកទៅកាន់ពិភពលោក។

កញ្ញា មាន សូនីតា  បានលើកឡើងពីភាពដ៏ល្អឯកដូច្នេះថា “ប្រាសាទព្រះវិហារ ម្ចាស់នៃកំពូលភ្នំ” រាជនីក្រមាយ័ន្តខ្មែរជានារីកម្ពុជា បានបញ្ចេញសម្រស់នៅលើកំរាលព្រំក្រហមទីក្រុងកាន ប្រទេសបារាំងរួចមកហើយ​ តែក៏មិនដែលភ្លេចប្រាសាទព្រះវិហារម្ចាស់នៃកំពូលភ្នំដែលបង្អួតរូបរាងដ៏អស្ចារបន្ទាប់ពីបានពាំនាំឲ្យពិភពលោកទាំងមូលបានមើលឃើញពីភាពអស្ចារ្យនៃការលាយបញ្ចូលគ្នារវាងសិល្ប:បុរាណខ្មែរដែលជាកេរ្តិ៍តំណែលដ៏មហស្ចារ្យ និងសិល្ប:សម័យខ្មែរដ៏សម្បូរបែប។

ប្រាកដណាស់មុននេះយើងឃើញហើយថា​ សម្រាប់វត្តមានរបស់តារាខ្មែរកញ្ញា មាន សូនីតា នៅលើកម្រាលព្រំក្រហមទីក្រុងកាន គឺនាងបានរំលេចខ្លួនយ៉ាងស្រស់ស្អាតលេចធ្លោជាមួយឈុតក្រមាខ្មែរអមព័ទ្ធដោយអក្សរយ័ន្តរំលេចឌិនដាមតាមរចនាបថបុរាណទំនើប និងមួកក្រមាកែខៃច្នៃតាមដាននៃមួកស្លឹកត្នោតកសិករខ្មែរ និងឈុតផ្កាច័នអង្គរយ៉ាងប្រណិត៕

អត្ថបទ៖ ចា ន់រ៉ា