មាន សូនីតា មោទនភាពដែលបានចូលរួមផ្សព្វផ្សាយសម្បត្តិបេតិកភណ្ឌវប្បធម៌អរូបី (ក្រមាខ្មែរ)

តារាសម្តែងកញ្ញា មាន សូនីតា ដែលទទួលងារពីបងប្អូនប្រជាពលរដ្ឋជា «រាជនីក្រមា» បានបង្ហាញអារម្មណ៍រំភើបនិងមោទនភាព ក្រោយបានចូលរួមផ្សព្វផ្សាយសម្បត្តិបេតិកភណ្ឌវប្បធម៌អរូបីនៃមនុស្សជាតិ (ក្រមាខ្មែរ)។

តួយ៉ាងកាលពីថ្មីៗនេះ ស្របពេលដែលក្រមា​ខ្មែរ ត្រូវបាន​ចុះ​ក្នុង​បបញ្ជីតំណាង​បេតិកភណ្ឌ​វប្បធម៌​អរូបីនៃ​មនុស្សជាតិ​របស់​អង្គកាយូ​ណេ​ស្កូតារាសម្តែង មានងារជា “រាជនីក្រមា” កញ្ញា មាន សូនីតា បានបង្ហាញមោទនភាពជាខ្លាំង និងប្ដេជ្ញាឆន្ទ:ថែរក្សានិងការពារ “ក្រមាខ្មែរ” ឱ្យបានគង់វង្សសម្រាប់បង្ហាញដល់កូនខ្មែរជំនាន់ក្រោយ។

ជាថ្មីម្តងទៀត មាន សូនីតា បានលើកឡើងថា “ក្រមាខ្មែរសរសៃឆ្នូតមាស” នាងខ្ញុំមាន សូនីតា ដែលទទួលបានងារពីបងប្អូនប្រជាពលរដ្ឋជា «រាជនីក្រមា» ចាប់តាំងពីឆ្នាំ២០១៦ រហូតមកដល់ពេលនេះ អ្វីដែលនាងខ្ញុំបានទន្ទឹងរង់ចាំបានមកដល់ហើយទាំងស្រលាញ់ ទាំងសិក្សាស្វែងយល់ទាំងផ្សព្វផ្សាយអំពីគ្រឿងប្រើប្រាស់ពីបុរាណកាលនេះបានចូលជាសម្បត្តិបេតិកភណ្ឌវប្បធម៌អរូបីនៃមនុស្សជាតិហើយ”។

កញ្ញា មាន សូនីតា បន្តថាក្រមាឬក្របាសគឺជាផលិត ផលត្បាញរវៃដែលបានកែច្នៃពីវត្ថុធាតុដើមផ្សេងៗដូ ចជាកប្បាសឬសូត្រនិងលក្ត័សម្រាប់ជ្រលក់ពណ៌ជាអាថ៌។សរសៃអំបោះសរសៃសូត្រកីតម្បាញដែលបានត្បាញរវៃក្លាយមកជាក្របាសឬក្រមាដែលដូនតាបុព្វ បុរសយើងបានបន្សល់ទុកមកអោយយើងទាំងអស់គ្នាប្រើប្រាស់។

បន្ថែមពីនេះ មាន សូនីតាបានឲ្យដឹងដែរថាពេលនេះ ក្របាសឬក្រមាខែ្មររបស់យើងនេះ បានដាក់បញ្ជូលក្នុងបញ្ជីតំណាងនៃបេតិកភណ្ឌវប្បធម៌អរូបីនៃមនុស្សជាតិ របស់អង្គការយូណេស្កូ នៅទីក្រុង អាសង់ ស្យុង (Asunción) សាធារណរដ្ឋ ប៉ារ៉ាហ្គាយ (Republic of Paraguay)។ អភិវឌ្ឍន៍ដើម្បីអភិរក្សបុរាណមិនយឺត សម័យមិនបរទេស៕ អត្ថបទ៖ ចាន់រ៉ា