ជីវិតកម្សាន្ដ

កូនស្រីសេដ្ឋីកាស៊ីណូហុងកុង Stanley Ho នឹងសម្ដែងក្នុងភាពយន្តលើកដំបូង

បានផុស

២ years មុន

នៅ

ថ្ងៃចន្ទ ១៧ មិថុនា ២០២៤

ដោយ

សារព័ត៌មានរបស់ហុងកុង Dimsum Daily រាយការណ៍ថា Laurinda Ho នឹងសម្តែងរួមគ្នាជាមួយតារាសម្តែងចិន Ci Sha ដែលទទួលបានភាពល្បីល្បាញបន្ទាប់ពីតួនាទីរបស់គាត់ក្នុងខ្សែភាពយន្ត “Creation of The Gods” ឆ្នាំ ២០២៣ ។

មែនទែនទៅកាល់ពីប៉ុន្មានថ្ងៃមុន លើបណ្ដាញអ៉ិនធើណេតបានបែកធ្លាយរូបថតក្រោយឆាក បង្ហាញពី Laurinda និង Ci Sha រីករាយជាមួយការ៉េមនៅតាមផ្លូវក្នុងទីក្រុងពេលកំពុងថត ដែល Laurinda ស្លៀកខោពណ៌លឿងភ្លឺ និងអាវអំបោះ បញ្ចេញថាមពលក្មេងជាងវ័យរបស់នាងកាន់តែលេចធ្លោជាងមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្សែភាពយន្តនេះតំណាងឲ្យតួនាទីសំខាន់ដំបូងរបស់ Laurinda ជាតួឯក ទោះបីជានាងធ្លាប់បានសម្តែងក្នុងរឿង “Heroes of Dunhuang” ជាមួយស្វាមីរបស់នាង គឺតារាសម្តែង Shawn Dou ក៏ដោយ។ ស្របពេលដែល បច្ចុប្បន្នសកម្មក្នុងនាមជាអ្នកសង្គម និងជាអ្នកជំនួញម្នាក់ឈ្មោះ Laurinda អាយុ ៣៣ ឆ្នាំ ជាកូនស្រីរបស់មហាសេដ្ឋីកាស៊ីណូលោក Stanley Ho និងប្រពន្ធទី ៣ ឈ្មោះ Ina Chan។ ទស្សនាវដ្ដី Forbes ប៉ាន់ប្រមាណថា ទ្រព្យសម្បត្តិសុទ្ធរបស់ Chan មានប្រហែល១ ពាន់លានដុល្លារអាមេរិក។

លើសពីនេះគេនៅដឹងទៀតថា Laurinda បានរៀបការជាមួយតារាសម្ដែង Shawn Dou នៅកោះបាលីកាលពីខែមេសាឆ្នាំមុន នៅក្នុងព្រឹត្តិការណ៍ដ៏ប្រណីតដែលចំណាយអស់រាប់លាន។ ជាមួយគ្នានេះដែរ Shawn Dou ដែលមានអាយុ ៣៦ ឆ្នាំដំបូងគេបានស្គាល់នៅក្នុងពិភពសម្ដែងជាមួយនឹងតួនាទីរបស់គាត់នៅក្នុង “Under the Hawthorn Tree” ដែលដឹកនាំដោយ Zhang Yimou ។ ខ្សែភាពយន្ដរបស់គាត់រួមមានចំណងជើងគួរឲ្យកត់សម្គាល់ដូចជា”Dangerous Liaisons,” “Time To Love,” និង “Princess Agents.” ៕