តារាហុងកុង Sean Lau សរសើរភរិយា ដែលជួយគាត់ក្លាយជាមនុស្សល្អដល់សព្វថ្ងៃ

យោងតាមសារព័ត៌មាន The Star តារាសម្តែងហុងកុង Sean Lau បានទទួលស្គាល់ភរិយារបស់គាត់គឺបវរកញ្ញាហុងកុងឆ្នាំ ១៩៩១ Amy Kwok សម្រាប់ការដើរតួយ៉ាងសំខាន់ក្នុងការកែប្រែគាត់ឲ្យទៅជាកំណែខ្លួនឯងកាន់តែប្រសើរ។ជាពិសេសនាងបានជួយគាត់គ្រប់គ្រងអារម្មណ៍គាត់ និងបង្រៀនគាត់ពីសារៈសំខាន់នៃការទំនាក់ទំនង។

តារាហុងហុងកុងវ័យ៦០ឆ្នាំបាននិយាយថា «ខ្ញុំ​មិន​មែន​ជា​មនុស្ស​ឯកោ​ទៀត​ទេ ខ្ញុំធ្លាប់ទៅរាប់ខែដោយមិនហៅម្តាយខ្ញុំពេលថត ប៉ុន្តែឥឡូវខ្ញុំចេះមើលថែនរណាម្នាក់ ទំនាក់ទំនង និងយល់ចិត្តគ្នាកាន់តែច្រើន»។​ លោកក៏​បាន​សរសើរភរិយាចំពោះ​បុគ្គលិក​លក្ខណៈ​ងាយ​ស្រួល​របស់​នាង និង​ភាព​ស្មោះ​ត្រង់​មិន​ងាករេ។

តារាសម្តែងរូបនេះបានបង្ហើបថា គាត់ចាប់ផ្តើមបង្កើតអារម្មណ៍ចំពោះភរិយាជាលើកដំបូងក្នុងអំឡុងពេលសហការរបស់ពួកគេនៅលើរឿង “The Greed of Man” ឆ្នាំ ១៩៩២ ។ ថ្វីដ្បិតតែមានការស្រលាញ់កើនឡើងក៏ដោយ ក៏គាត់នៅតែជាអាជីព និងផ្តោតលើការងាររបស់គាត់។

Sean Lau បច្ចុប្បន្ននេះមានអាយុ ៦១ ឆ្នាំបានចាប់ផ្តើមដំណើរសម្ដែងរបស់គាត់នៅឆ្នាំ ១៩៨៣ បន្ទាប់ពីបានចុះឈ្មោះចូលរៀនក្នុងថ្នាក់សម្ដែងរបស់ TVB និងបានបង្ហាញខ្លួនជាលើកដំបូងតាមទូរទស្សន៍របស់គាត់នៅឆ្នាំបន្ទាប់ក្នុងរឿង «Draw Out the Rainbow» ។ ចំណែកឯភរិយា​ Amy Kwok អាយុ ៥៨ ឆ្នាំបានទទួលសញ្ញាប័ត្រផ្នែកវិស្វកម្មអគ្គិសនីពីសាកលវិទ្យាល័យរដ្ឋកាលីហ្វ័រញ៉ា និងថ្នាក់អនុបណ្ឌិតផ្នែកវិស្វកម្មមេកានិកពីសាកលវិទ្យាល័យ Southern California ។ នាងបានបង្ហាញខ្លួនជាតារាសម្តែងក្នុងឆ្នាំ ១៩៨៥ ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖តួសម្ដែង TVB គឺ Lee Lung Kei សារភាពលែងខ្មាស់អៀនថា ពិតជាធ្លាក់ខ្លួនក្រមែន