ជីវិតកម្សាន្ដ

អ្នកនិពន្ធ និងដឹកនាំសម្តែងមួយរូប ចែករំលែកបទពិសោធ ៦ ចំណុច ផលិតភាពយន្តមានគុណភាពល្អ

បានផុស

៩ ខែ មុន

នៅ

ថ្ងៃអង្គារ ១៨ មិថុនា ២០២៤

ដោយ

ថ្មីៗនេះបានផ្ទុះការរិះគន់ និងវែកញែកជុំវិញខ្សែភាពយន្តរឿងភាគបុរាណរបស់ខ្មែរដែលបាននឹងកំពុងចាក់បញ្ចាំងនៅលើស្ថានីយទូរទស្សន៍ក្នុងស្រុកមួយដែលគេមើលឃើញថា ទាំងគុណភាពនៃការផលិតការដឹកនាំសម្ដែង និងបច្ចេកទេសថតនៅមានកម្រិតអ្នកនិពន្ធខ្ជីខ្ជាថតឱ្យរួចតែពីដៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលដែលការរិះគន់វែកញែកនេះបានបន្តការចែករំលែកដោយមានអ្នកគាំទ្រជាច្រើនបានបង្ហាញការខកចិត្ត ព្រោះគុណភាពសាច់រឿងចេញមកផ្ទុយពីការរំពឹងទុកនោះស្រាប់តែមានអ្នកនិពន្ធ និងដឹកនាំសម្ដែងម្នាក់បានចេញមកចែករំលែកបទពិសោធ ៦ចំណុច ដើម្បីផលិតភាពយន្តមានគុណភាពល្អ។

លោក ឃុន ចាន់ឌី ដែលជាអតីតអ្នកដឹកនាំសម្តែងល្បីឈ្មោះបានភ្ជាប់សំណេរជាមួយវីដេអូឃ្លីនៃសាច់រឿងនោះថា ដើម្បីផលិតរឿងដែលមានគុណភាព និងទទួលបានការគាំទ្រ គឺត្រូវមានកត្តាសំខាន់ចំនួន ៦ចំណុចនោះទើបសាច់រឿងទាំងមូលមានលក្ខណៈប្រទាក់ប្រឡាគ្នាបានល្អ។

លោកបានលើកឡើងថា “ក្នុងនាមខ្ញុំជាអ្នកនិពន្ធ និងដឹកនាំរឿងម្នាក់ចង់ប្រាប់ថា រឿងដែលល្អមានកក្តារួមផ្សំជាច្រើនយ៉ាងដូចជា, ១.និពន្ធរឿងមកល្អ, ២.ដឹកនាំរឿងល្អ, ៣.សម្តែងបានល្អ, ៤.ថតបានល្អ, ៥.បច្ចេកទេសឌីសាញ ឌីគ័រពន្លឺ និងសោនបានល្អ និង៦.ការកាត់តសោនអេហ្វិកបានល្អ ទើបរឿងនោះវាគ្រប់គ្រាន់តែសម្រាប់រឿងបុរាណខ្មែរយើងនៅមានកម្រិតណាស់ប្រឹងប្រែងបន្តទៀតណា”។

គួរបញ្ជាក់ថា ថ្មីៗនេះនៅលើបណ្តាញសង្គមបានផ្ទុះការវែកញែក ខណៈក៏មានទស្សនិកជនខ្លះទៀតបានបង្ហាញការមិនសប្បាយចិត្តដោយសារតែពួកគេខកបំណងចំពោះរឿងភាគខ្មែរ «បុព្វេនិម្មិត» ដែលបានចាក់ផ្សាយប៉ុន្តែនៅក្នុងឈុតឆាកខ្លះហាក់សម្តែងមិនស៊ីសង្វាក់គ្នារវាងសាច់រឿង និងតួអង្គសម្ដែងព្រមទាំងបច្ចេកទេសថតផងដែរ៕

អត្ថបទ៖ ចាន់រ៉ា